[A:106]byon gyi gser khrir mnga' gsol ba'i tshe'ang / rje 'dis legs 'bul gyi tshogs rgya che ba dang / bcom ldan 'das tshe dpag tu med pa'i dbang bskur ba la sogs pa'i sgo nas 'phral yun kun tu dge legs rgya cher 'byung ba dang bkra shis par mdzad cing / gzhan yang lcags la nas btsun mo rin po che rgyal khab tu bzhes pa la sogs pa'i tshe'ang / rje 'dis thab gsos la sogs pa rgya cher stsal zhing / legs tshogs rgya cher 'byung ba'i rten 'brel sogs kyang bsgrig par mdzad do/ /de rjes phyag rdzas yod rigs rnams dbus gtsang gi bla ma dge 'dun rnams la bsnyen bkur stob pa dang / rje rang yang sku tshe'i mjug 'dir e wa~M chos ldan du bzhugs nas thugs dam la rtse gcig tu sgril bzhed kyis/ chos rgyal chen po sras yum rnams su dgongs khrol nan chags kyis zhu bar mdzad pas/ shing glang lor bod du 'byon chog pa'i zhal bzhes thob par brten/ rim gyis bod du phebs chas kyi skor rnams sta gon mdzad pa dang / don gnyer rnams kyis zhus pa'i chos kyi 'phro rnams kyang rdzogs par stsal ba dang / sbyin bdag dad pa can rnams kyis khyim du gdan drangs pa rnams su byon te rang rang gi re ba'i yol go thams cad legs par bkang ba dang / lhun grub steng du'ang mang 'gyed kha shas kyi thog bzang gos yug sbam gyi 'phan dang / spos 'dzin dang / mchod kong brgya rtsa la sogs pa'i sbyor 'jags mdzad pa dang / nye skor gyi dgon khag rnams su mang 'gyed dang / gzhan yang rten gsum rigs la mchod 'bul dang / chos skyong la skong ba dang / yul lha gzhi bdag rnams la bsang mchod sogs rgyas par mdzad/ chos rgyal chen po yab yum sras rnams nas kyang phebs