[A:108]rten gyi gtsos pa'i/ ja 'khor bdun/ rta gcig /dre'u gcig /gzhan yang dar ras ling gos chen gcan gzan gyi pags pa sogs tshan grangs mang po dang / rwa sgreng tA bla ma sogs la'ang ja sar sogs gang zab mdzad/ der bzhugs pa'i rten gsum khyad du 'phags pa rnams la brgya mchod rnam pa lnga dang / snyan dar la sogs pa gang zab dang / dgon par mang ja'i bsnyen bkur bcas mdzad nas/ stag lung pa bkra shis dpal gyi gdan sa chen po stag lung gi chos grwar phebs te/ stag lung bla ma rin po cher/ ljon 'dab 'khor lnga la sogs pa'i 'bul ba tshan grangs kha shas dang / rten gsum yongs la mchod 'bul/ dgon par mang ja bcas mdzad nas/ rong ston smra ba'i seng ge shAkya rgyal mtshan gyis btab pa'i chos grwa chen po dpal nA lendrar byon/ der bzhugs pa'i bla ma rnams la 'bul ba gang zab dang / rten gsum rnams kyi drung du mchod 'bul/ dgon par mang 'gyed bcas mdzad/ de nas dar lung gnyan gyi pho brang dang / rdo rje'i gnas chen brag yer pa rnams kyang dad pa'i spyan gyis legs par mjal te mchod pa'i sgo 'phar yangs por phye ba dang lhan cig bstan 'gro yongs la sman pa'i smon lam gyi ljon pa'ang rgyas par mdzad do/ /de nas chos dang longs spyod kyi dpal 'byor bsam gyis mi khyab pa rgyun chad med par 'byung ba'i gnas/ yul dbus 'gyur 'chang gi lte ba lha ldan du phebs te/ thog mar 'phags pa 'jig rten dbang phyug mi'i zol gyi rnam par rol pa rgyal dbang thams cad mkhyen pa lung rtogs rgya mtsho'i mtshan dpe'i dkyil 'khor mjal ba dang lhan cig /maNDal sku gsung thugs rten gyi dod dngul Tam srang lnga/ gsol ja dang bzhes 'bras kyi dod Tam srang gsum/ rin chen gnyis pa Tam srang