[A:110]mchog dang / zhal zas rnams re re nas stong phrag tu longs pa'i mchod 'bul shin tu bzang ba/ lha khang gzhan rnams su'ang mchod 'bul gang rgyas dang / rtse rnam rgyal grwa tshang / gling khag gsum gyi grwa tshang / tshe chog gling / 'bras spungs 'dus spyi/ de'i nang gses gling khang tshan/ se ra 'dus spyi/ de'i nang gses tre'o khang tshan/ dga' ldan/ rgyud stod smad/ rme ru/ bzhi sde sogs su mang ja zab rgyas dang / lha sa bla brang gi phyag mdzod par smon lam chen mor mang ja gcig gi bsnyen bkur zhu rgyu'i dod rnams phul te lha ldan nas chibs bteg ste/ snye thang / ra ba stod/ rong byams chen sogs lam bar gyi dgon khag rnams su'ang mang 'gyed dang / rten gsum rnams la mchod 'bul sogs rgyas par mdzad nas gzhis ka rtser byon/ bkra shis lhun por paN chen thams cad mkhyen pa rje btsun blo bzang dpal ldan bstan pa'i nyi ma'i gser zhal rin po che mjal ba dang chab cig 'bul bar maNDal sku gsung thugs rten gsol ja bzhes 'bras dod Tam srang brgyad/ dar/ ras/ ling / gos chen/ spu shun/ mchod cha sogs tshan grangs mang po dang / ljon ja 'khor drug sum cu/ rgya dngul thur srang lnga bcu/ rta drel gsum tsam dang / zhabs pad mdun du'ang ja 'khor lnga la sogs pa'i 'bul ba dang / gzhan yang rtse'i gsol gzim/ mgron gnyer/ phyag mdzod sogs la'ang 'dris zab dang stun pa'i ja sar gang 'tshams/ khyad par dgon de'i rten gsum yongs la gser gsol dang mchod 'bul gang rgyas/ dgon par mang ja'i bsnyen bkur dang / de'i nang gses rgya khang tshan par mang ja dang ja gsar sogs zab par mdzad nas/ hor zla dgu pa'i gza' tshes mchog tu dge ba'i nyin/ e wa~M pa'i bla khag khang tshan dang bcas pa'i chibs bsu