[A:138]da tshe'i 'du byed de tsam gyis rdzogs pa 'dra/ gang ltar thag chod pas blo bde gsungs/ de skabs ngor gyi lam 'bras lha khang du bzhugs pa'i ngor chen gyi 'dra skus spyan chab bsil ba dang / gzim chung nub tu bzhugs pa'i chos skyong gi zhal 'bag rnams kyi dbu rgyun thod skam sogs don med du sa la lhung ba sogs mi dge ba'i mtshan ma mang po zhig byung ba/ rje 'di zhing khams gzhan du gshegs pa'i ltas yin par 'dug ces bdag gi bla ma byams pa kun dga' bstan 'dzin gyi zhal snga nas gsungs shing gzhan yang nam mkha' thams cad 'ja' sprin gyis gang ba dang / sprin 'ga' zhig ni mchod pa'i yo byad kyi gzugs brnyan can de 'dra de skabs kun tu byung bar snang / de nas sde dge chos rgyal mchog kyang rje 'di'i spyan sngar phebs te gus phyag mang du btsal/ skye ba dang tshe rabs thams cad du thugs rjes rjes su 'dzin par gsol ba btab/ rje 'dis kyang chos rgyal mchog gi dbur phyag bzhag ste/ de bzhin zhal gyis bzhes/ dad pa'i rten du rje rang gi tshems gcig stsal/ khyad par chos rgyal mchog nas zhing 'di'i skye 'gro yongs kyi mgon skyabs dpung gnyen dam par mchog sprul zhig ma byon pa'i thabs med pas/ de gang du 'khrungs sogs zhal gsal zhig bka' phebs dgos tshul zhus kyang / nga la skye ba zhig 'ong ste/ de la ngos 'dzin sogs gang yang mi dgos/ /spyir sa ngor la sprul sku ngos 'dzin byed pa'i srol yang med gsungs pa tsam las zhal gsal zhig ma mdzad par snang / gzhan yang de phyogs kyi zhal slob rnams so so nas gsol ba 'debs pa dang / smon lam btab pa sogs byed cing / de rnams la'ang zhal ta dpyis phyin