[A:33]dang yang du btud de snga phyir chos kyi bdud rtsi mang du gsol ba rnams phyogs gcig tu brjod na/ thog mar slob dpon 'phags pa thogs med nas brgyud pa'i sems tsam pa'i lugs kyi byang chub mchog tu sems bskyed pa rgyal sras thogs med pa dang / yangs can mkhan po ngag dbang rnam rgyal gyi yi ge ltar gsan te/ smon pa dang 'jug pa gnyis kyis bsdus pa'i byang chub kyi sems rin po che las dus skad cig kyang mi g.yo ba'i rgyal sras byang chub sems dpa' chen por mdzad cing / de rjes jo bo nas brgyud pa'i blo sbyong don bdun ma'i khrid rgyal sras thogs med pa'i yig cha'i steng nas nyams khrid lung dang bcas pa/ jo bos thugs dam du mdzad pa'i chos chung brgya rtsa/ bka' gdams pa'i gsung sgros thor bu lce sgom pas bsdus pa/ pu to ba rin chen gsal gyis mdzad pa'i dpe chos rin chen spungs pa/ de'i 'grel pa lce sgom brtson 'grus rdo rjes mdzad pa'i man ngag rin chen spungs pa/ de dag la mkho ba gtam rgyud rin chen phreng mdzes 'gro mgon dpal ldan ye shes kyis mdzad pa/ sems dpa' chen po gzhon nu rgyal mchog dang mus chen dkon mchog rgyal mtshan gnyis kyis bsgrigs pa'i blo sbyong glegs bam/ mus chen gyis mdzad pa'i blo sbyong khrid yig /gzhon nu rgyal mchog gam dkon mchog 'bangs kyis mdzad pa'i blo sbyong legs bshad kun 'dus rnams kyi lung / ngor chen gyi dbon kun dga' legs rin gyi yig cha la sogs pa'i steng nas rje sa skya pa chen po la 'jam pa'i dbyangs kyis dngos su zhal gzigs te stsal ba'i blo sbyong zhen pa bzhi bral gyi khrid/ 'phags yul gyi slob dpon chen po a bhA yas phyogs gcig tu bsgrigs shing yar lung lo tsA ba grags pa rgyal mtshan gyis bod du