[A:46]mdzad pa nas/ ngor chen gyi rnam thar kha skong dang bcas pa mus chen gyis mdzad pa'i bar dang /
mus chen nas yab rje bsod nams rin chen bar gyi rnam thar rnams kyi lung gnang tshul kun blo'i rnam thar du gsal yang / rje 'di'i gsan yig tu ma thebs pas ma bris so/ /
rje rang gis mdzad pa'i sa skya'i gdung rabs dang / ngor gyi gdan rabs rnams kyi lung / nyams myong tshad ma rgyud la skyed byed khrid kyi gzhung shing bzhi las/ gzhung shing rgyas pa gzhung ji lta ba bzhin du bkri ba'i khrid mkhan chen ngag dbang chos grags kyis mdzad pa'i yig cha'i steng nas lam gyi sngon 'gro snang ba gsum gyi khrid/ brgyud pa'i khyad par gnyis ldan gyi sems bskyed/ de nas dbang gi mngon par rtogs pa brgyad dang ldan pa'i sgo nas dpal kye rdo rje'i rdul tshon gyi dkyil 'khor du rje dkon mchog lhun grub kyi yig cha rnams kyi steng nas rgyu dus kyi dbang bskur ba dang / de ltar dbang thob pa de nyid mi nyams par bsrung ba'i phyir du rje btsun gyis mdzad pa'i rtsa ltung 'khrul spong sogs kyi steng nas dam tshig gi gsung bshad shin tu zhib pa/ lam gyi dngos gzhi rgyud gsum gyi sgo nas bkri ba'i khrid mkhan chen thams cad mkhyen pa ngag dbang chos grags kyi yig cha'i steng nas nyams khrid zab mo yongs su rdzogs pa shin tu zhib rgyas su gsan cing / de dag gi skabs su'ang lam gyi nyams bskyed pa'i phyir lus thabs rgyud la dbang bzhi dang rjes su 'brel ba'i lam gyi thog mar 'jam mgon a mes zhabs kyi yig cha'i steng nas rje btsun bdag med lha mo bco lnga'i dkyil 'khor du dbang bskur ba dang / nang bskyed rim gyi thog mar 'jam dbyangs bsod nams dbang pos mdzad pa'i lam dbang gi yi ge dang / ngag chos pas mdzad pa'i lam dbang gi mtha' dpyad bcas kyi steng nas lam dus kyi dbang gis chu bo ma nub pa dang / gsang