[A:59]rje brag rdzong ma/ nang gi brag rdzong drag po sngags rgod/ gsang ba'i brag rdzong sems nyid ye shes kyi 'khor lo'i rtsal 'don pa ste zab khrid cha lag yongs su rdzogs pa dang / mus chen sangs rgyas rin chen gyi yig cha'i steng nas dpal ldan lha mo dud sol ma'i phyi sgrub thun mong ba'i rjes gnang / rngog bsod nams bstan 'dzin gyi yig cha'i steng nas dud sol ma gsang sgrub thun mong ma yin pa nan chags mar grags pa'i rjes gnang bcas dang / lung la/ tshar chen gyis mdzad pa'i nag po chen po'i bla ma'i rnal 'byor/ brgyud 'debs rnam kun mchog ldan/ gtor chog phrin las myur mgyogs kyi pho nya/ lhan thabs dngos grub rol mtsho bcas dang / gur gyi skong ba chos nyid ma/ lha mo'i skong ba sngon rgyal ma/ zhal gyi skong ba le tshan phyag mtshan 'bul skong dang bcas pa/ pu tra'i skong ba/ stag tshang ba'i skong bshags/ bstod pa srin gzugs ma'i sde tshan sogs dang / tshar chen gyis mdzad pa'i bektse'i gtor skong / de'i spyan 'dren skong ba zlog pa dang bcas pa cang spe seng ge 'bum gyis mdzad pa/ bshags pa bde chen chos sku/ bstod pa buddha bha dras mdzad pa sogs dang / rje rang gis mdzad pa'i nag po chen po la klu chen brgyad kyis bskor ba'i char 'bebs dang rlung gnon gyi las sbyor dang / gur lha brgyad kyi drag po'i sbyin sreg bcas kyi lung dang / dpal gsang ba 'dus pa'i rgyud nas bstan pa'i dpal mgon zhal bzhi pa bsnyen dus kyi rjes gnang sngags 'chang chen mo'i yig cha ltar dang / tshar chen dang / ngag chos pa'i yig cha'i steng nas zhal dkar po tshe 'phel gyi rjes gnang bcas dang / dpal dur khrod bdag po'i chos skor la/ dur khrod bdag po'i rgyud gsang ba snying gi 'khor lo le'u