[A:90]zhig dang bcas te mjal phyag zhu ba dang / jo shAka rnam gnyis kyi dbus rten gsum rnams la mchod 'bul dang / phyag bskor smon lam sogs mdzad nas rim gyis bod chen po'i ljongs su chibs kyi kha lo bsgyur zhing / lam bar du 'khod pa'i 'gro ba 'ga' zhig gi'ang re ba'i shing rta yongs su bkang ste byon pas sde dge chos rgyal chen po'i snga phyir phebs bsu'i bkod pa nyi zer gyi rdul ltar lhags pa rnams dang lhan cig tu sde bzhi dang dge bcu'i dpal 'byor phun sum tshogs pas mngon par mtho ba'i sa'i thig le/ dpal ldan lhun grub steng gi rgyal khab chen po phyogs thams cad las rnam par rgyal ba dang nye bar phebs pa na/ der bzhugs pa'i bla ma slob dpon dang / dbu chos sogs kyi gtso byas pa'i dge 'dun 'dus pa rgya mtsho'i tshogs dang bcas pa/ dper na sindhu wA ra'i chu gter chen po dal gyis rgyu bar byed pa la/ kha dog sna tshogs pa'i 'ja' ris kyis mdzes par spud pa bzhin du ser phreng gi bkod pa bsam gyis mi khyab pa sa dang nam mkha'i kha dog kyang bsgyur ba snyam byed pa'i bsu ba'i tshogs dang bcas te hor zla bcu pa'i tshes brgyad kyi nyin rgyal khab chen po ga la ba der nyer 'tshe'i dri ma med par bde bar phebs so/ /de ltar phebs pa na chos rgyal chen po sras yum blon 'bangs dang bcas pa rnams kyi thugs kyi chu gter snga na med pa'i dad pa dang spro ba'i rba rlabs rab tu g.yos pa'i khongs nas/ gsol ba 'debs pa dang / bsngags pa brjod pa la sogs pa snyan par smra ba'i gtam gyi lbu phreng gsar pa ci yang byung bar gyur to/ /de'i tshe nam mkha'i ngos thams cad kyang 'ja' kha dog sna tshogs pa'i ri mos mdzes par 'khyud pa sogs ngo mtshar ba'i ltas mang du byung ngo / /de nas rim bzhin rgyal srid kyi khur mtha' dag yongs su bzhes