[A:98]med tshe'i bcud len gyi yig cha'i steng nas nyams khrid lung dang bcas pa/ ngag chos pa'i yig cha'i steng nas gsang sgrub lha dgu'i rjes gnang sngon du 'gro bas/ mkhyen brtses mdzad pa'i khrid yig dang ngag chos pa'i khrid yig bcas la gzhi byas zhal shes yig chung sogs kyis brgyan te/ rdo rje nag po chen po'i nang khrid dam gsang khrid du grags pa/ rtsa gsum 'khor lo lnga la brten nas bsnyen pa'i dmigs rim/ 'khor lo lnga ldan dang rdo rje'i bzlas pa'i sgo nas sgrub pa'am rbad pa/ las sbyor thun mong ba spyi dgra sgos dgra bsgral ba/ thun mong ma yin pa 'khor lo lnga ldan gyi khrid rnams yongs su rdzogs pa smin rgyas dang / rgyab rten lung la/ bdag chen rdo rje 'chang chen pos bsgrigs pa'i mgon pod me 'bar ma'i glegs bam/ tshar chen chos kyi rgyal pos bsgrigs pa'i mgon po'i snyan brgyud pusti/ skyo mda' ba mang thos bsod nams dbang phyug gis bsgrigs pa'i mgon po'i yang skong glegs bam gnyis dang bcas pa'i lung / stobs 'phrog dbang po zhing skyong gdong bzhi pa'i gsang khrid kyi yi ge dbang phyug rab brtan pas mdzad par zhal shes yig chung sogs kyis brgyan te sngon 'gro dang / dngos gzhi 'khor lo bzhi la brten pa'i bsnyen pa dang / sgrub pa dang / thun mong dang thun mong ma yin pa'i las sbyor dang spogs chog sogs nyams khrid zab mo yongs su rdzogs pa smin rgyas dang / rig 'dzin rol pa'i rdo rje'i gter chos gu ru drag khros kyi dbang bskur ba gter gzhung dang / gter ston rang gis mdzad pa'i yig cha rnams kyi steng nas dang / dpal sa skya pa'i rje btsun gong ma lnga'i gsung 'ga' zhig gi lung bcas gsan to/ /yang zhu dbon ngag dbang dge legs kyi drung nas/ ngag dbang mchog legs rdo rje'i yig cha'i steng nas