[A:252]gang 'di gcig pus thob pa bzhin/ /sna tshogs nor gyi 'du byed kyis/ /rten gsum rdul snyed bsgrubs bgyis kyang / /gzhar yang 'dzad par ma gyur pa'i/ /srid 'di'i 'byor pa shin tu mang / /khyad par srid pa'i longs spyod kyis/ /zhi bde 'gugs pa'i bya ma rta/ /ched du mngags pa'i rig sngags 'dis/ /kun kyang bsod nams dpal la sbyar/ /gang de'i 'byor pa'i khyad par gyi/ /mi zad nam mkha' mdzod kyi sgo/ /ru bzhi'i ljongs su phye ba ni/ /gdengs can gtsug gi nor bu bzhin/ /shin tu gtong ba'i sbyin pas kyang / /tshim med bdag nyid che 'di mtshar/ /'on te dbyar gyi dpal mo yis/ /phan pa ster la ngoms ma gyur/ /gang phyir mchog gi zhabs skyes rdul/ /yul dbus sman ljongs la bkod pas/ /skal bzang dga' ba'i dga' ston dang / /dad dang dpal 'byor lhan cig 'phel/ /rab 'byams mchod pa'i sprin chen gyis/ /phyogs kun dog por 'gengs pa 'dis/ /kun bzang rnam par 'phrul pa la/ /'gro 'di'i gud pa lhod kyis dogs// //gsum pa slar yang mdo khams su byon nas bstan 'gro'i don ji ltar mdzad pa'i tshul ni/ de'ang 'di ltar rjes su thos te/ sde dge chos rgyal chen por rje 'dis sku na mtho ba sogs kyis slar mdo khams su 'byon mi dgos pa'i dgongs khrol yar lam byang thang nas bzung ste zhu bar mdzad par/ ha lam dgongs khrol yong rtsis lta bu yin pa la/ chos rgyal chen po sa skyar phebs skabs da dung lan cig mdo khams su ma byon pa'i thabs med tshul gyi bka' nan phebs par/ yang bskyar dgongs khrol zhu bar mdzad na'ang dgongs pa khrol ba zhig gtan nas ma byung bar brten lan cig mdo khams su chibs kyi gdong bsgyur bar thag bcad/ sde dge'i chos rgyal chen po hor zla bcu gnyis pa'i nang sa skya nas ngor du phebs/ der