[A:295]ded dpon 'khor lo gsum gyi phrin las rmad du byung ba khri 'du skal bzang dgon gyi snang rtse ri khrod du bzhugs pa'i rdo rje 'dzin pa kun dga' chos dbang sogs rnal 'byor pa shin tu mang po dang / gzhan yang gling tshang dang / hor khog dang / li thang sogs su bzhugs pa'i rnal 'byor pa du ma dang / e wa~M rang du'ang spong ba pa phrin las rab rgyas dang / 'jam dpal bstan 'dzin dang / bsod nams bzang po sogs snga phyir rje 'di'i zhal slob kyi mtshams pa shin tu mang ngo / /bcu gcig pa sdom pa gsum char gyi bka' drin rdzogs par nos pa'i slob ma ni/ rje 'di e wa~M pa'i chos kyi khri la lo bcu bzhugs pa'i skabs/ lo re bzhin sdom pa gsum char gyi bka' drin rdzogs par nos pa'i slob ma mang dus sum brgya tsam dang / 'bring gi dus phyed sum brgya skor dang / nyung dus kyang nyis brgya re 'ong bar snang la/ gzhan yang snga phyir khams su phebs skabs dang bod du bzhugs skabs kyi slob ma byung ba thams cad bsdoms pas sum stong zin pa tsam yod par mngon no/ /bcu gnyis pa chos 'brel tsam thob pa'i slob ma ni/ mdo khams sde dge'i phyogs kyi kar rnying gi bstan 'dzin skyes bu mkhas grub du mas mtshon te/ stod mnga' ris nas smad rgya mtshams la thug gi bar bgrang ba las 'das pa yin no/ /snyigs dus bstan 'gro'i dpal nyid du/ /mi yi srid pa legs bzung ste/ /phrin las kun gsal dang mnyam pas/ /thub bstan dbyar gyi mtsho bzhin spel/ /des kyang khyod thugs ku mud gnyen/ /tshim pa'i cha shas ma rdzogs par/ /slar yang 'khor ba ma stong bar/ /de srid bstan pa spel ba'i slad/ /khyod gsung dbyar gyi dpal mo yis/ /