[A:310]pa'i 'dzum zhal bstan pa'i mod/ /sngon nas goms pa'i nyams rtogs kyi/ /sgo 'phar mtha' dag yangs por phyes/ /khyod kyis bzhed pa'i phrin las kun/ /ji lta'i tshul gyis bsgrub bya zhes/ /bka' lung nod phyir chos srung dang / /nor lha'i tshogs kun lhags sam snyam/ /gang nas bltas kyang 'od zer gyis/ /mun sel nor bu rin chen bzhin/ /rnam thar gang la brtags byas kyang / /legs pa nyid las gzhan du min/ /kye ma bsod nams chung rnams kyis/ /sangs rgyas sems can nyid du 'dzin/ /chu yang rnag khrag tu mthong ba'i/ yi dwags rnams dang khyad par gang // //spyi don bdun pa tha mar gdul bya rtag 'dzin can rnams chos la bskul ba'i ched du gzugs sku'i bkod pa chos kyi dbyings su bsdus pa'i tshul ni/ bdag cag gi dpal ldan bla ma dam pa gdul bya 'dul ba'i dus mkhyen cing thabs mkhas la thugs rje chen po dang ldan pa 'dis ni sku tshe rings por gdul bya so so'i bsam pa dang mthun pa'i zab pa dang rgya che ba'i chos kyi 'khor lo rgyun chad med par bskor te/ sras kyi thu bo rnams ni smin cing grol te mtha' klas pa'i 'gro ba yongs kyi 'dren pa dam par mnga' gsol/ 'ga' zhig ni ma 'ongs pa na 'gro ba 'dren pa'i nus pa dang ldan par mdzad/ gzhan yang sku mthong ba dang / gsung thos pa dang / mtshan tsam yid la byed pa dang / sku'i grib ma phog pa tshun chad kyi sems can thams cad kyang phan pa dang bde ba 'ba' zhig la 'god par mdzad pa sogs mdor na sku dngos kyis gdul bar 'os pa rnams ni legs par btul/ nges pa'i don gyi bstan pa rin po che'ang dar zhing rgyas par mdzad de/ da ni bdag cag skal ba dman pa rnams kyi bsod nams kyi bgo skal ni re zhig