[A:343]bos pa bzhin du lhags/ /kye ma srid pa'i phun tshogs kun/ /mgon khyod thugs rje las byung na/ /de nyid zhi bar mngon phyogs tshe/ /mi dge'i mtshan ma cis mi 'byung / /gzod nas bdud bzhi bcom pa'i tshul/ /slar yang gsal bar ston pa'i slad/ /re zhig sku tshe byin brlabs pas/ /'chi bdag bdud kyang pham par byas/ /'on kyang gdul bya'i chu gter ni/ /rin chen gling du bsgyur zin pas/ /gzhan pa'i gdul bya la brtse ba'i/ /gzigs pa dus las yol ma gyur/ /de tshe ye shes sems dpa' nyid/ /mngon sum bzhugs pa'i rten rnams kyang / /skyo ba'i ngal ba rab 'dzin na/ /tha mal gzhan rnams smos mi dgos/ /de nas sdug bsngal du ma'i gter/ /'gro 'di'i bden 'dzin gzhom pa'i slad/ /rdo rje'i sku yang mi rtag pa'i/ /dus ngan mun pa de 'dra shar/ /kye ma sdom gsum rtsa ba brtan/ /byams brtse'i yal ga rab brkyangs nas/ /phan bde'i 'bras bu kun stsol ba'i/ /dpag bsam shing de gang du song / /kyi hud dam chos gzi 'od kyis/ /'khor ba'i chu gter skems byed cing / /thar pa'i lam bzang gsal mdzad pa'i/ /smra ba'i nyi ma gang du bzhud/ /kye ma ma la 'di lta bu/ /mngon sum mig gis ma mthong bar/ /'chi ba'i go skabs ma rnyed pa'i/ /bdag cag las ngan ci zhig bsags/ /ltas dang ngo mtshar mtha' yas pas/ /sa gzhi nam mkha' kun bkang yang / /bdag cag khyod dang bral ba yi/ /snying la mi bzod dug tu byas/ /gzod nas sems can thams cad la/ /phan pa sgrub par zhal 'ches na/ /bdag cag mgon gyis phongs pa yi/ /khur 'di khyod kyis bzod lags sam/ /'on kyang snying nas gsol btab na/ /mgon khyod thugs rje byin rlabs la/ /gzhar yang nye ring med pa 'dis/ /sems la ngal bso cung zad thob/ /'di lta'i gnas skabs mthong gyur kyang / /da dung rtag 'dzin ma zhig pa'i/ /bdag 'dra'i