[A:178]rjes su gnang ba dang / sgrol ma'i phyag 'tshal nyer gcig gi sgrub thabs yig rnying dang / de'i rjes gnang gi chings mkhan chen ngag dbang chos grags kyis mdzad pa/ sangs rgyas phun tshogs kyis mdzad pa'i sgrol ma maNDal bzhi chog dang bcas pa'i lung / bla med du gtogs kyang 'dir mtshan brgya rtsa brgyad kyi lung blang dgos pa dang sde tshan gcig pa'i phyir bya rgyud kyi gras su bzhag pa gnyan sgrol yan lag drug pa'i rjes su gnang ba dang / de'i yig cha dkon mchog lhun grub kyis mdzad pa/ sgrol ma'i man ngag rmi lam brtag thabs shin tu zab pa lha mo shra ma Na'i sgrub thabs kun mkhyen bkra shis rnam rgyal dang / sa chen kun dga' blo gros kyis mdzad pa bcas kyi lung / padma'i rigs kyi khro bo rta mgrin lcags ral can zla rgyal lugs su grags pa'i rjes su gnang ba dang / de'i sgrub thabs zla ba rgyal mtshan gyis mdzad pa/ nad gso ba/ steng gdon gzir ba/ lus srung ba/ ser ba srung ba/ phyir zlog pa/ rjes gnang yi ge rnying pa/ thar paN gyis mdzad pa'i sgrub rjes rnams kyi lung / padma'i rigs kyi pho nya mo dbyangs can ma dkar mo'i rjes su gnang ba dang / de'i sgrub rjes thar paN gyis mdzad pa kha skong dang bcas pa'i lung / rdo rje'i rigs kyi gtso bo slob dpon dze tA ris bkral ba'i mi 'khrugs pa lha dgu'i dkyil 'khor du dbang bskur ba dang / de'i sgrub dkyil dkon mchog lhun grub kyis mdzad pa/ de'i zur 'debs zhu chen gyis mdzad pa/ sbyin sreg gi cho ga dkon mchog lhun grub pas mdzad pa rnams kyi lung / rdo rje'i rigs kyi bdag po phyag rdor gos sngon can 'gro bzang lugs kyi rjes su gnang ba/ rnam 'joms ba ri lugs lha gcig bum gcig gi rjes gnang khrus dang bcas pa dang / de'i yig cha dkon mchog lhun grub kyis mdzad pa'i lung / rdo rje'i rigs kyi pho nyar gtogs pa khro bo dme