[A:452]gnyis la sogs pa'i 'bul ba dang / gzhan yang skabs su bab pa'i ja gsar dang / gnang sbyin la sogs pa gang la gang 'os mdzad de dpal stag lung gi dgon par phebs/ stag lung bla ma rin po cher ljon ja 'khor gcig dang / rta gcig gi gtsos pa'i tshan grangs kha shas/ dgon de'i rten gsum yongs la mchod 'bul dang / 'dus tshogs su mang jas bsnyen bkur ba bcas bsgrubs/ de nas rim gyis brag yer pa la sogs pa'i lam bar gyi gnas chen rnams su'ang mchod 'bul rgyas par mdzad de/ khrums kyis nya ba'i hor zla brgyad pa'i dkar phyogs kyi dga' ba gnyis pa'i nyin chos tshigs kyis phye ba'i yul dbus su gyur pa bsil ldan ljongs kyi lte ba lha ldan du phebs/ de skabs lha ldan du 'brum 'phros thor tsam yod pa la brten bag sang gi tshul du dbus gtsang kun bde gling du zhag bdun tsam bzhugs te/ skabs su bab pa na pho brang chen po po ta lar 'phags mchog lag na padmo'i rnam 'phrul rgyal dbang thams cad mkhyen pa mkhas grub rgya mtsho'i gser zhal rin po che mjal ba dang lhan cig /gsol ja bzhes 'bras dang / maNDal sku gsung thugs rten/ dar ras ling la sogs pa'i tshan grangs dang dngos chas rigs rgya che ba dang / ma hA tsi na'i yul gyi bzang ja 'khor drug brgya dang / dngul Tam srang brgya/ rta drel bzhi la sogs pa phul ba dang / de nas lha ldan rang gi bzhugs mtsher du phebs nas gangs ljongs bsod nams kyi 'gron du khugs pa'i srid skyong rwa sgreng a chi thu ho thog thu ngag dbang ye shes tshul khrims rgya mtsho'i gser zhal rin po che mjal ba dang chabs cig /gsol ja bzhes 'bras/ maNDal sku gsung thugs rten gyi dod Tam srang brgyad dang / dar