[A:451]ba'i rigs rgyu dpangs mi dman par phul ba dang / phar yang de dag la skabs su bab pa'i chos dang zang zing gis yid kyi dbang po yongs su tshim par mdzad cing / 'phral yun gyi legs tshogs gong 'phel du 'gyur bar mdzad de/ dgung grangs drug cur phebs pa legs sbyar gyi skad du kI la ka zhes pa phur bu ste rgya rtsis pas sa pho spre'u'i lo'i snron gyi zla ba'i dmar phyogs kyi gral tshes nyer dgu'i nyin nges pa don gyi rdo rje 'chang chen po 'di nyid dang / kun gzigs 'jam pa'i dbyangs mkhyen brtse'i dbang po dang bcas ston 'khor rnams dang / sde dge chos rgyal mchog gi phebs skyel gyi tshogs mtha' yas pa rnams dang / khyad par e wa~M rang du ma phebs bar gyi zhabs 'br-ing bar 'ju tsha bsod nams stobs rgyal dpon 'khor rnams gtong gnang mdzad pa bzhin/ de rnams dang bcas te dpal ldan lhun grub steng gi rgyal khab chen po nas chibs kyi gdong bsgyur te/ lam bar du 'khod pa'i 'gro ba 'ga' zhig la'ang chos kyi bdud rtsi ci rigs pa stsol bzhin pa'i sgo nas rim gyis shin tu bgrod par dka' ba'i chu bo dang / la lung mang po brgal te gro bzhin zla ba'i shar phyogs kyi rgyal ba gnyis par bkra shis dbu ma thang du gcung mdzod pa nor ldan shes rab bzang po dpon 'khor gyi chibs bsu dang mjal 'dzom gnang nas sku mched lhan cig tu thog mar byang rwa sgreng gi chos grwa chen por phebs/ der bzhugs pa'i sku gsung thugs kyi rten khyad par du 'phags pa rnams kyi drung du brgya mchod rnam lnga dang / dge 'dun 'dus pa rgya mtshor mang jas bsnyen bkur ba dang / rwa sgreng bla brang du maNDal sku gsung thugs rten dang / dar ras ling la sogs pa'i tshan grangs 'ga' zhig dang / ljon ja 'khor gcig /rta drel