[A:359]bsam pa rnam par dag pa thugs la 'khrungs nas/ lhan cig byed pa'i rkyen du gyur pa'i dge ba'i bshes gnyen khu bo mkhan chen byang chub sems dpa' sems dpa' chen po nam mkha' 'chi med dang / gcen byang chub sems dpa' sems dpa' chen po byams pa kun dga' bstan 'dzin gnyis char gyi drung nas/ brgyud pa'i khyad par gnyis las 'ongs pa'i sems bskyed kyi sdom pa bzhes te/ de phyin chad nam mkha'i snying po'i mdo las gsungs pa'i rtsa ba'i ltung ba bcu bzhi dang / byang chub sems dpa'i sa dang / sdom pa nyi shu pa sogs las gsungs pa'i pham 'dra'i nyes byas bzhi dang / yan lag gi nyes byas zhe drug la sogs pa mdor na bslab bya'i gnas mtha' dag la srung sdom tshul bzhin du mdzad pas nyes pa phra zhing phra bas kyang ma gos pa yin no/ /der ma zad pha rol tu phyin pa drug gi sgo nas dge ba'i chos thams cad yongs su sdud pa dang bsdu ba'i dngos po bzhi'i sgo nas sems can rnams yongs su smin par mdzad pa'i tshul ni/ bdag nyid chen po kun tu bzang po dang / 'jam pa'i dbyangs la sogs pa'i rnam thar la co 'dri ba bzhin mdzad do/ /rig pa 'dzin pa sngags kyi sdom pa'i dbang du byas na/ 'og nas 'byung ba ltar gyi rgyud ma smin pa smin par byed pa'i dbang bskur ba legs par gsan te/ snang ba'i dngos po thams cad lha dang ye shes kyi ngo bor byin gyis brlabs pa la brten nas dbang las byung ba'i ye shes brjod bral lhan cig skyes pa don gyi sdom pa thob par mdzad cing / de las byung ba'i rtsa ba dang yan lag gis bsdus pa'i dam tshig thams cad srog gi dbang po las kyang gces par bsrungs pas nyes pa'i dri ma shin tu phra bas kyang reg pa'i gnas skabs mi srid pa yin no/ /thams cad mkhyen pa brnyes zin kyang / /thams cad sgrol ba'i ded dpon du/ /thams cad