[A:358]ma gos shing / bslab bya'i gtso bo gyur pa bsten bya 'tsho ba dang / bsrung bya tshul khrims dang / nyams len spyod pa dang / rtogs don lta ba ste rnam dag rnam pa bzhi la gus pa dang bag yod pa'i thabs kyis tshul bzhin du bslabs pa sngon gyi 'dul ba 'dzin pa chen po u pa li la sogs pa dang tshul mtshungs par bzhugs pa yin no/ /gang gi tshe skyes bu dam pa 'di rgyal ba'i bstan pa la zhugs shing bslab pa rin po che rnams zhal gyis bzhes pa de'i tshe/ nag po'i phyogs su gyur pa'i bdud kyi rigs ni ngo zum gnag cing shin tu 'grib par gyur la/ gang dag dkar po'i phyogs la dga' ba'i lha rnams ni/ snga na med pa'i spro ba'i chu gter chen po snying gi dbus nas 'phyur ba la brten nas 'jig rten na 'di lta bu'i bde legs 'byung ba'i rgyu'i gtso bo ci zhig snyam du legs par brtags pas/ ji zhig tsam na dam pa 'di rab tu byung bas sangs rgyas kyi bstan pa dang lha'i ris thams cad yongs su rgyas par gyur pa'i ltas su shes nas/ phan tshun gcig gis gcig la sbran te dga' ba dang ca co'i sgra chen po 'og min gyi bar du grag par gyur pa ni yid ches pa'i lung dang / rjes su dpag pa'i rig pas kyang rtogs par nus pa yin no/ /byang chub sems dpa'i sdom pa bzhes pa'i tshul ni/ 'di ltar mtha' yas pa'i sems can thams cad ma rig pa'i ling thog gis bsgribs te/ dge ba'i lam stegs mtha' dag nyams par byas pa la brten nas 'khor ba'i rgya mtsho chen por rang dbang med par 'khor zhing sdug bsngal gyis gzir bar gzigs te/ 'di lta bu'i sems can thams cad kyi khur ni bdag nyid gcig pus khyer te srid pa'i 'jigs pa thams cad zhi bar bgyid pa ma gtogs 'di dag gi bde ba'i rgyu gzhan med do snyam pa'i nye bar len pa'i rgyu'i gtso bo lhag pa'i