[A:498]'jig rten kun gyi mchod sdong bla na med pa'i sku gdung rin po cher gong du bshad pa ltar gyi bum pa'i chus sku khrus legs par gsol zhing / sku'i gnas gsum du sku gsung thugs kyi sa bon dang / dpal kye rdo rje'i rtsa sngags dang / snying po dang / nye snying rnams shog bu la bris shing dri bzang pos byug pa rnams sbyar ba dang / bsil ba'i sman dri bzang po dang ldan pa thams cad lhan cig tu sbyar ba'i lde gus yongs su byugs shing / ras ser po mang pos legs par dkris pa dang / dbu rgyan dang / stod g.yog dang / smad g.yogs la sogs pa'i lha rdzas kyi na bzas mdzes par spras te/ dpal kye rdo rje'i dkyil 'khor gang du bzhengs pa'i gnas kyi gzim chung du spyan drangs te/ spos mar me zhal zas rnams re re nas brgya phrag lnga tsam dang bcas pa'i mchod pa'i bye brag mtha' yas pa'i dbus su gdung sgrom gyi steng du bzhugs su gsol/ de nas bdag cag dge slong bcus sku gdung rin po che rnam snang dges pa rdo rjer yan lag bzhi rdzogs su bskyed de bzlas pa bya ba sogs rje btsun rin po ches mdzad pa'i kye rdor dus tha'i cho ga sogs nas ji ltar 'byung ba bzhin bgyis so/ /de nub bdag cag dge slong bcus dpal dges pa rdo rje'i sta gon gyi cho ga bgyis pa nas bzung / zhag zhe dgu'i bar du dge slong bcus dpal kye rdo rje'i rdul tshon gyi dkyil 'khor bzhengs te sgrub cing mchod pa dang / bdag nyid 'jug cing dbang blang ba la sogs pa nyin rer cho ga tshar re ma chag par bgyis pa dang / de thams cad la nyin re bzhin grwa pa re la phyag 'gyed dngul zho re dang / skabs 'gar de'i steng tshab ra la sogs pa'i bsnyen bkur zhabs tog phun sum tshogs pa bsgrubs pa dang / de'ang bdun phrag re re rdzogs pa'i mthar rdul tshon gyi dkyil 'khor gshegs su gsol zhing / slar yang thig