[A:500]thog mar thugs dam grol ba nas bzung / sku gdung rin po cher zhugs ma phul gyi bar du nyin re bzhin spos mar me zhal zas rnams re re nas brgya phrag gnyis gsum re ma chag par phul ba dang / de nas kyang dpal kye rdo rje'i dkyil 'khor la nyin re bzhin rnam gsum brgya mchod re ma chad par phul ba dang / yang sa ga zla ba'i tshes bcu nas bzung dgung zhag zhe dgu ma rdzogs kyi bar zhag lnga bcu nga bzhi la nyin re bzhin dge slong bcus snga dro bdag bskyed bsnyen rgyas dang 'brel ba'i dpal kun tu rig pa'i ras bris la brten pa'i dkyil 'khor gyi cho ga dang / phyi dro bdag bskyed rdo rje sems dpa' dang 'brel ba'i kun rig gi cho ga re ste tshar gnyis ma chad par bgyis pa dang / de'ang bla ma dang dkyil 'khor gyi gtso bo dbyer med du dmigs te bdag nyid 'jug cing dbang blang ba kho na bgyis pa yin la/ khyad par bdun tshigs re rdzogs nyin dge tshogs byang chub tu bsngo ba'i phyir tshogs kyi rdo rje slob dpon du bla ma re re gdan zhus dang 'brel bar dge slong nyi shu res kun rig gi cho ga tshar gnyis re bgyis pa dang / de thams cad la'ang nyin re bzhin mchod pa shin tu rgyas pa dang / grwa pa re la nyin re bzhin phyag 'gyed dngul zho re phul ba sogs bsnyen bkur zab pa dang / yang bdun tshig re re'i mtshams su dge slong bzhi res rje btsun rdo rje rnal 'byor ma'i sindhu ra'i dkyil 'khor bzhengs te sgrub cing mchod pa dang / bdag nyid 'jug cing dbang blang ba sogs bgyis pa dang / yang e wa~M pa'i lam 'bras lha khang sogs dang / rje rang gi gzim chung bcas re mos kyis nyin re bzhin brgya mchod re dang bcas te dge slong bcu skor res snga phyir bla ma mchod pa nyin nyi shu skor bgyis pa dang / de dag so sor grwa pa rer yon 'bul dngul zho re dang bcas pa'i bsnyen bkur zab pa dang / thugs dam grol ba nas bzung rim gyis e wa~M bla brang