[A:360]gzigs pa'i bka' lung gis/ /thams cad mgon du mnga' rab gsol/ /e ma rgyal rnams tshul khrims kyi/ /nor bu'i rkang stegs la brten nas/ /thar pa dam pa'i khang bzang du/ /gshegs pa'i shul lam mtshon pa'i phyir/ /rang nyid so sor thar pa'i sgor/ /zhugs pa'i mi smra brtul zhugs kyis/ /skal bzang mtho ris chas pa la/ /lam de 'di nyid yin par ston/ /mchog rnams rang gi spyod yul du/ /zhugs la gdung ba skyed byed pa'i/ /'khrul pa'i gdon 'di yid srubs la/ /bsod nams min pas nye bar gnas/ /bzhin la 'dzum pa'i zla ris kyi/ /dog pa mu tig 'od bkod pas/ /lha rnams gang gi grags pa yi/ /spring yig srid rtse'i bar du sgrogs/ /gzhan gyi bde ba bsgrub pa la/ /bdud rtsi bzhin du don gnyer ba/ /sman mdzad rnams kyi bsam pa gang / /tshangs pa yis kyang rnyed par dka'/ /de slad byang chub sems gnyis kyi/ /gser gyi khri 'phang la 'dzegs te/ /thar pa mchog gi rgyal srid la/ /'gro 'di ji ltar dgod ces dgongs/ /gang zhig rig pa'i sngags kyis ni/ /dngos kun lha dang ye shes su/ /sgyur byed gsang ba'i mig 'phrul la/ /mngon 'dod spyan gyi zur mda' lhung / /de tshe rig 'dzin sdom pa ni/ /rlung gi gshog can la zhon nas/ /rdo rje 'dzin sar bgrod la yang / /thogs med glog gi rnam 'phrul bzhin/ /nyes kun bcom pa'i bdag nyid la/ /slar yang glags lta rtsom byed pa'i/ /bdag gi rmongs pa 'di ci zhes/ /sdom pa'i mi mthun phyogs rnams song // //gnyis pa zhugs pa'i rten des thos bsam sgom gsum ji ltar mdzad pa'i tshul la gsum ste/ thog mar e wa~M rang du bzhugs nas gsan bsam sgom gsum ji ltar mdzad pa'i tshul/ de rjes mdo khams su byon nas bstan 'gro'i don dang thos bsam ji ltar mdzad pa'i tshul/ slar yang