[A:521]dpal la sbyor ba'i dge mtshan snang bar 'bar gyur cig 16 /bla gos dmar po'i 'od rdul stug pos thun mtshams chu 'dzin zil gnon pa'i/ /'dus pa rnams kyang tshul khrims phung po rang gi srog las gces par lta/ /thos bsam bsgom pa'i lang tsho rab rdzogs 'chad rtsod rtsom pa'i gzi 'od kyis/ /nyes pa'i ra ri yongs su 'phrog bzhin gong nas gong du 'phel bar shog 17 /bde gshegs bstan pa'i gdugs dkar rab g.yo phan bde'i grib bsil 'jo ba gang / /snying stobs dpung pas srid rtser 'degs la gsang bdag rjes su rkang 'jog pa'i/ /bstan pa'i sbyin bdag chen po kun gyi tshe bsod dpal 'byor snyan grags sogs/ /legs pa'i yon tan yar ngo'i zla bzhin gong nas gong du 'phel bar shog 18 /chos ldan rgyal po'i bka' yi spring yig phyogs kyi rgyal phran mgo bo la/ /rnam par 'god pa'i ngo mtshar rab g.yo dge bcu'i khrims kyi ra ba na/ /skye rgu mtha' dag bde bar tshud cing kun kyang rdzogs ldan dus bzhin du/ /sde bzhi'i dpal la ci dgar spyod pa'i dge mtshan dar la babs gyur cig 19 /sdug bsngal brgya phrag du mas rab gtses khams gsum sems can thams cad kyang / 'khor ba'i sdug bsngal rgyu dang bcas pa dug can zas bzhin rab spangs nas/ /phar phyin drug dang bsdu dngos bzhi sogs byang chub spyod mchog la zhugs te/ /sku bzhi ye shes lnga dang ldan pa'i go 'phang myur du thob gyur cig 20 /bdag kyang deng nas tshe rabs kun tu mtshungs med dge ba'i bshes rnams kyis/ /rjes bzung yongs rdzogs bstan pa'i sgor zhugs thos bsam sgom pa mthar phyin zhing / /'chad rtsod rtsom pas bstan dang 'gro la phan pa rgya chen rab bsgrubs nas/ /ring min thams cad mkhyen pa'i go 'phang bde blag nyid du thob par shog 21 /de ltar lhag