[A:520]phul byung byams dang snying rje'i phyag ni ring por rkyong pa'i rol rtsed kyis/ /theg gsum dam pa'i chos kyi rnga chen rgyun chad med par brdungs pa'i sgras/ /'gro kun ma rig gnyid las bslangs te thar pa'i grong du bkri bar gsol/ 11 /gang na dam chos snang ba gsar pas 'khor ba'i mun pa snyil byed cing / /dge legs mtha' dag cig car sbyin pa'i rnam 'dren da lta bzhugs pa kun/ /slar yang gsang gsum tshe dpag med ltar bskal pa zhing gi rdul rnyed par/ /'tsho gzhes cho ga rab tu brtan pa'i dga' ston ches cher dar bar shog 12 /dpal ldan bla ma dam pa rnams kyi mtshan tsam zhig kyang thos dka' na/ /phyogs re'i rnam thar cung zad brjod pa'ang sngon bsags mthu las rnyed pa ste/ /de slad dad dang spro ba mchog gis legs spyad don ldan 'di spel ba'i/ /dge tshogs dri med kha ba dung dang ku mu dA ltar dkar bas mtshon/ 13 /'khor dang myang 'das gnyis kyis bsdus shing dus gsum kun tu bsags pa yi/ /lus ngag yid dang rjes su 'brel ba'i dge ba'i rtsa ba ji snyed pa/ /gzhan phan sems dang 'khor gsum mi rtog shes rab zab mo'i thabs mkhas kyis/ /bla na med pa'i byang chub snying por yongs su bsngo ba'i g.yar dam len/ 14 /de mthus phan dang bde ba'i rtsa lag lung dang rtogs pas bsdus pa yi/ /thub pa'i dbang po'i bstan pa spyi dang bye brag rje btsun sa skya pa'i/ /ring lugs 'khrul pa'i dri ma kun zad 'khor ba ma stongs de srid du/ /dbyar gyi mtshos kyang 'gran du med par phyogs dus kun tu rgyas par shog 15 /de 'dzin sngon byon dam par rnams kyi zab dgongs dbyings su rdzogs gyur cing / /da lta bzhugs pa'i skyes chen kun kyang nam mkha' ji srid gnas kyi bar/ /gsang gsum 'tsho gzhes rab tu brtan cing mkhas pa'i bya ba rnam gsum gyis/ /sa gsum kun dga'i