[A:522]bsam skyed mos tshal las mngon par 'dod pa'i me tog rnams/ /spro ba mchog gis legs par btus nas sdeb legs tshig gi srad bu la/ /mdzes par brgyus pa'i thar 'dod rgyan 'di skyabs yul rgya mtsho'i byin mthu yis/ /gegs kyi sbyor bas nam yang rnying min 'dod don 'bras bu g.yur za shog 22 /bkra shis gang zhig bskal mang rnyed dka'i bde stong gnyis su med pa yi/ /lhan skyes ye shes nor bu'i snye ma skad cig nyid la lag pa'i rtser/ /sbyin mkhas skyabs kun 'dus pa'i ngo bo dpal ldan bla ma'i tshogs rnams kyi/ /bkra shis byin rlabs snang ba gsar pas srid zhi'i khams kun khyab gyur cig 23 /de ltar dpal ldan bla ma dam pa gsum gyi rtogs pa brjod pa ngo mtshar me tog g.yo ba'i 'khri shing byin rlabs 'dod rgu'i 'byung gnas zhes bya ba 'di 'ang / snga mo nas snyigs dus kyi thams cad mkhyen pa 'jam pa'i dbyangs mkhyen brtse'i dbang po'i zhal snga nas rje bla ma dam pa 'di gsum gyi rtogs brjod cig nges par ma byung thabs med du dgongs nas rnam thar zhig ljags rtsom stsal rgyu'i thugs bzhed yod pa'i khar/ bdag gis kyang gsol ba btab pas khyod kyis rgyus yod kyi tho dzar zhig byung tshe de bzhin bya'o zhes zhal bzhes thob par gyur na'ang / de rjes gus phran rang le lo dang snyom las kho na'i gzhan dbang du song nas tho dzar de bri ma thub par yun ring por song ba'i mthar/ slar yang snyigs dus kyi thams cad mkhyen pa mchog gi zhal nas/ kho bo'ang 'chad rtsod rtsom gsum dang / skabs skabs su yi dam lha'i bsnyen pa 'dra bya dgos pa bcas kyi brel g.yeng kho nas re zhig rnam thar 'bri ba'i long med pa lta bur gyur pas/ da ni rnam par thar pa de khyod kyis bris shig ces bka' stsal rin po che gser gyi con pan lta bu spyi bor stsal ba la brten gyen ldog ma spobs par rigs dang dkyil 'khor rgya mtsho'i