[A:364]rdo rje 'chang chen po de nyid mdo khams su ma byon gyi bar du zhabs pad 'bral ba med par gtsug gi rgyan du bsten cing / ci gsungs dang du len pa'i kun spyod kyis mnyes par byas te chos kyi bdud rtsi ji ltar gsol ba'i tshul yang / dgung grangs bco brgyad pa me stag lo'i hor zla bcu gnyis pa'i yar tshes nas bzung ste bka' chos kyi dbu 'dzugs par mdzad de/ de'ang chos kyi rnam grangs mtha' dag mdo sngags gnyis su 'dus pa'i nang nas ches mchog tu gyur pa gsang sngags rdo rje theg pa'i skor la/ rgyud sde rin po che rnam pa bzhir bzhugs pa'i nang tshan dang po bya ba'i rgyud la/ de bzhin gshegs pa'i rigs kyi gtso bo sman bla mched bdun gyi rjes su gnang ba dang / de'i yig cha thar paN gyis mdzad pa'i lung / sangs rgyas klu dbang rgyal po lha lnga'i rjes su gnang ba dang / de'i sgrub skor 'phags pa klu sgrub kyis mdzad pa/ sgrub thabs bcom ldan ral gris mdzad pa/ bstod pa rong ston gyis mdzad pa/ sgrub rjes ngag dbang mchog legs rdo rjes mdzad pa/ char 'bebs dpal ldan chos skyong gis mdzad pa rnams kyi lung / jo bo rje nas brgyud pa'i thub pa gnas brtan bcu drug gi rjes su gnang ba dang / de'i yig cha sngags 'chang kun dga' rin chen gyis mdzad pa'i lung / gsang ba spyi rgyud nas gsungs pa'i de bzhin gshegs pa'i rigs kyi bdag po rigs gsum spyi'i dkyil 'khor du dbang bskur ba dang / de'i yig cha thar rtse paN chen nam mkha' dpal bzang gis mdzad pa'i lung / 'jam dpal dkar po ma ti lugs kyi rjes su gnang ba dang / de'i bstod pa paNDi ta ma tis mdzad pa/ sgrub skor rgya ston kun dga' brtson 'grus kyis mdzad pa/ sgrub thabs dang rjes gnang gi yi ge thar paN gyis mdzad pa/ smon lam paNDi ta rig pa'i khu byug gis mdzad par grags pa dang / sbyin sreg sangs rgyas phun tshogs