[A:369]nya mo khro mo dme brtsegs kyi rjes su gnang ba dang / de'i yig cha 'jam mgon kun dga' blo gros kyis mdzad pa'i lung / bya rgyud nor can gyi rigs dzaM dkar 'brug zhon lha lnga jo bo lugs kyi rjes su gnang ba dang / de'i yig cha she'u lo tsA ba kun dga' chos grags dang / 'jam mgon kun dga' blo gros kyis mdzad pa'i lung / phyag rdor gos sngon can gyi rjes gnang sngon du 'gro ba'i sgo nas rnam sras ser chen lha dgu'i rjes su gnang ba spro ba lnga dang bcas pa dang / de'i yig cha dkon mchog lhun grub kyis mdzad pa'i lung bcas/ rgyud sde gnyis pa spyod rgyud de bzhin gshegs pa'i rigs kyi bdag po 'jam dbyangs a ra pa tsa na dmar ser gyi rjes su gnang ba dang / de'i yig cha thar paN gyis mdzad pa'i lung / rgyud sde gsum pa rnal 'byor rgyud kyi ngan song thams cad yongs su sbyong ba'i rgyud las bstan pa'i kun rig rtsa ba'i dkyil 'khor du dbang bskur ba dang / kun rig gi cho ga gzhan phan mtha' yas/ bsnyen rgyas sgrib pa rnam sel/ cha gsum gyi cho ga rnams ngor chen gyis mdzad pa/ dbang gi mtshams sbyor dang / sbyin sreg ro sreg sAtstsha rab gnas dang bcas pa dkon mchog lhun grub kyis mdzad pa/ bsnyen rgyas lhan thabs thar paN gyis mdzad pa rnams kyi lung / rgyud sde bzhi pa rnal 'byor bla med kyi skor la/ pha rgyud gsang ba 'dus pa mi bskyod rdo rje lha so gnyis 'phags lugs kyi dkyil 'khor du dbang bskur ba dang / de'i sgrub thabs/ dkyil chog /gtor chog /mchod chog /mchod phreng rnams ngor chen gyis mdzad pa'i lung / grub chen birWa pas bkral ba'i 'jam dpal gshin rje'i gshed dmar po lha lnga'i dkyil 'khor du dbang bskur ba dang / de'i sgrub thabs dang dkyil chog ngor chen rdo rje 'chang gis mdzad pa/ rje dkon mchog lhun grub kyis mdzad pa'i gsal byed/ brgyud 'debs/