[A:381]gtam dang bsngo ba/ de la dgos pa'i tshigs bcad sangs phun pas bsgrigs pa/ bar do ngo sprod shar khang pas mdzad pa/ 'od dpag med la brten pa'i 'pho ba dkon mchog dpal ldan pas mdzad pa/ bum gter gyi lag len dkon mchog lhun grub pas mdzad pa/ de'i zur 'debs sangs rgyas phun tshogs pas mdzad pa/ 'jam mgon kun dga' blo gros kyis mdzad pa'i dam tshig rdo rje'i sgom bzlas dang / bka' bsgo bya tshul thun mong dang thun mong ma yin pa/ brgya bzhi'i cho ga rnams dang / slob dpon padmas mdzad par grags pa'i gser skyems dang / bdag chen rgya gar bas mdzad pa'i bsang gzhung sogs bsang yig gi skor dang bcas pa'i lung rnams legs par gsan cing / de thams cad kyi phyag len phra mo tshun chad kyang shin tu mthar phyin par thugs su chud par mdzad pa yin no/ /rje 'di dgung grangs nyi shur son pa rnam byung gi lor khu bo mkhan chen rdo rje 'chang chen po de nyid kyang mdo khams kyi bstan 'gro'i don du chibs kyi gdong bsgyur/ rje 'dis kyang bde mchog lU nag gi cho ga thugs 'dzin bskyangs te e waM pa'i sgrub mchod du lo bzhi tsam phebs pa dang / gzhan yang cho ga'i phyag len dang / gzhung gi go don rnams la gzigs rtog rgya cher bskyangs pa dang / ji ltar thos pa'i chos rnams kyang bsam byung gi rig pas yang dang yang du dpyad cing gtan la phab pas ma rtogs pa dang / log par rtog pa'i the tshom gyi dri ma mtha' dag rgyang ring du bsal ba dang / bsam pas sgro 'dogs chod pa rnams kyang snyan brgyud kyi gdams pa khyad par can dang sbyar te sgom pas nyams su bzhes par mdzad do/ /dgung grangs nye bzhir son pa chu sprel lo'i hor zla lnga pa'i nang mkhan chen rdo rje