[A:386]mjug tu mdo khams nas khu bo mkhan chen rdo rje 'chang chen po'i grwa tshang gras kun dga' rgyal mtshan pa dang / kun dga' ye shes 'khor bcas kyang e wa~M du 'byor/ bla ma so sor 'bul ba dang dgon par mang 'gyed sogs gtos che bar bsgrubs/ rje 'dis kyang lha khang khag rnams su mchod 'bul dang / chos srung la skong phrin dang / yul lhar bsang mchod la sogs pa skabs su bab pa'i rim gro'i rigs rnams kyang bsgrubs te/ dgung grangs nyer brgyad du son pa 'dzin byed kyi lo'i sa ga zla ba'i dkar phyogs kyi rgyal ba dang po'i nyin rje btsun dam pa sku 'khor chibs skyel gyi tshogs dang bcas te e wa~M nas chibs kyi gdong bsgyur/ rim bzhin byang brgyud de shin tu mtho zhing brjid pa'i snyems pas 'chi ba med pa'i grong khyer du snyoms pa lta bu'i la lung du ma dang / nyi 'od kyis bzhus pa'i gnam sngon gyi zhun ma sa la 'khyil pa la/ rgyu skar gyi phreng ba 'thor ba dang 'dra ba'i chu bo dang chu phran du ma dang / kun gsal bu mo'i bzhin ras kyi mtha'ang mtshon par nus pa'i mi zad pa'i thang chen po rnams rim gyis brgal te/ gro zhun zla ba'i dkar phyogs kyi gral tshes bzhi'i nyin phebs bsu ring thung gi tshogs sa chen po'i rdul la 'gran pa dang bcas te dpal ldan lhun grub steng gi rgyal khab chen por nye zho'i dri mas ma gos par bde bar phebs/ zla ba de'i tshes bcu gsum nyin khu bo mkhan chen rdo rje 'chang chen po yang bkra shis chos rdzong nas lhun grub steng gi rgyal khab tu phebs te khu dbon gser zhal lhan rgyas par zhag bdun tsam bzhugs/ de'i bar la gtang rag gi skong gso la sogs pa mdzad/ slar khu bo mkhan chen mchog bkra shis chos rdzong du lha sras rin po che rnams kyi sku'i rkyen sel sgrub par phebs/ rje 'dis stobs kyi 'khor los sgyur ba