[A:387]sde dge chos rgyal chen po 'khor dang bcas par la rong 'bul ba sogs zab par 'bul bar mdzad pa dang / tshur yang de dag so so nas dbu thon legs 'bul gyi rigs shin tu rgya che bar phul/ de lo lhun grub steng rang du bzhugs shing chos rgyal chen pos ji ltar bzhed pa'i rkyen sel rnams bsgrub pa dang / khyad par rgyu skar rgyal gyis nya ba'i dmar phyogs kyi rdzogs pa gnyis pa nas bzung ste/ cho 'phrul zla ba'i tshes bcu drug gi bar du 'du ba chen mo zhes pa chos grwa chen po de nyid na gnyug mar gnas pa'i dge slong gi dge 'dun ji snyed bzhugs pa rnams dang / gzhan yang lcags ra/ sga len steng / 'khor lo mdo/ rdzong chen mgo /ye na/ rab brtan bcas kyi dgon pa so so'i dge 'dun thams cad stabs gcig tu tshogs te 'jigs byed drug cu dang / ngor lugs dkyil 'khor bdun gyi sgrub mchod rnams gsungs pa'i tshogs dbur phebs pa dang / de rjes hor zla gsum pa'i nang chu nag mar char 'bebs su phebs te cho ga gsungs ma thag pa nas char chen po babs/ thams cad kyis phyis su chu nag mar bla ma su phebs kyang char che rigs mi 'babs pa la da lan babs pa ngo mtshar che zer ba byung / gang ltar yang / de phyin chad lo re bzhin char 'bebs su rtag par phebs shing char mi 'babs pa mi srid/ khyad par de sngon bkra shis chos rdzong du lha sras rin po che rnams kyi sku'i rkyen sel sgrub par dbyar gyi ring khu bo mkhan chen dang / dgun gyi ring rong pa chos rje bzhugs pa yin kyang / 'di lo chos rgyal mchog nas rje 'di phebs dgos tshul gyi bka' nan stsal pa ltar/ me glang sa ga zla ba'i nang bkra shis chos rdzong du phebs/ lha sras rin po che sku mched rnams su nyin re bzhin tshe dpag med lha dgu'i