[A:393]rjes hor zla drug pa'i nang rma rong chu tshan du khu dbon gnyis ka phebs te zhag bdun tsam bzhugs pa dang / de nas khu bo mkhan chen sde dge dbyar gzigs su phebs pa'i sku'i rkyen sel sgrub par phebs shing / rje 'di la khyod kyis sgra rig pa 'di rab mthar phyin pa zhig dang / de ltar ma byung na'ang bag chags zhig nges par zhog cig ces bka' stsal ba ltar lhun grub steng du phebs te/ lnga rig smra ba zhu slob kun dga' don grub pa'i drung nas gzhon nu kArti kas dbang phyug go cha la stsal ba'i sgra'i bstan bcos ka lA pa dang / de'i 'grel pa sa bzang paNDi ta blo gros rgyal mtshan gyis mdzad pa dang / mtshams sbyor dang ming le'i lag len zhe drung padma rnam dag gis mdzad pa sogs kyi steng nas mtshams sbyor lnga dang / ming le drug dang / kun bshad brgyad dang / kr-ita rkang drug ste le'u nyer lnga'i ri mo yongs su rdzogs pa bslab sbyangs mthar phyin par mdzad pa dang / gzhan yang mkhas pa'i dbang po de nyid kyi drung nas rje btsun sa skya pa dang dge ba'i bshes gnyen bka' gdams pa rnams las brgyud pa gtso bor gyur pa'i zab chos 'ga' zhig phyogs gcig tu bsgrigs pa man ngag be bum mam gser pod du grags pa'i lung gsan pa'i skor la/ thog mar bya rgyud de bzhin gshegs pa'i rigs kyi gtso bo klu dbang rgyal po'i sgrub thabs klu sgrub kyis mdzad pa lo chen rin bzang gi 'gyur/ de'i sgrub thabs bcom ldan ral gris mdzad pa/ bstod pa rong ston gyis mdzad pa/ rjes gnang gi tho yig mdzad byang mi gsal ba rnams dang / de bzhin gshegs pa'irigs kyi bdag po ma ti'i lugs kyi 'jam dpal dkar po dpa' bo gcig grub kyi skor la sgrub thabs paNDi ta ma ti'am gsang mtshan sgeg pa'i rdo rjer grags pas