[A:416]rten sogs la'ang rgyud nas bshad pa ltar dang / bla ma gong ma'i phyag len dang mthun par gzungs gzhug rnams tshad dang ldan par phul te/ dgung grangs so gsum pa khyu mchog gi lo'i cho 'phrul zla ba'i dkar phyogs kyi nang / mkhan chen rdo rje 'chang chen po gcen byams pa kun dga' bstan 'dzin pas rdo rje slob dpon mdzad de rje 'di dang / dge slong mang pos dpal kye rdo rje la brten pa'i rab gnas rgyas par mdzad pa dang / zla ba de'i tshes nyi shu'i nyin lam 'bras lha khang du brgya mchod rnam lnga dang bcas te dge slong bzang gras phal che ba tshogs te bsnyen bkur phun sum tshogs pa'i sgo nas bla ma mchod pa gsung ba dang lhan cig 'dra sku rin po che'ang lam 'bras lha khang du bzhugs su gsol zhing / de'ang gos chen las grub pa'i bzhugs 'bol dang / gos chen gyi snam sbyar dang / gos chen gyi sku ber dang bcas pa dang / sku mdun du'ang rdo dril gser mgo ma spus legs dang / dngul srang so bdun las grub pa'i bum pa cha gcig kha rgyan bum gos dang bcas pa dang / dngul srang brgyad dang zho gsum las grub pa'i 'bru spar dang / dngul srang bcu gnyis dang zho lnga las grub pa'i spyi blugs dang / ting shags spus legs dngul thag dang bcas pa dang / dngul las grub pa'i nang mchod thod pa dang / zhal dkar yu ring dang / de'i stegs dngul srang bco lnga las grub pa dang / dngul srang bdun dang zho brgyad las grub pa'i phud kong dang / Da ma ru dngul gyi shan can dang / dngul srang brgyad dang zho gsum las grub pa'i dngul ting bdun tshar dang / dngul srang nyer drug dang zho brgyad las grub pa'i gtor theb lnga tshar 'gu tshe dang bcas pa dang / dngul srang bcu gsum dang zho lnga las grub pa'i bzed zhal rnams sbyor 'jags mdzad pa dang / hor zla bzhi pa'i nang ngor lugs dkyil 'khor lnga'i sgrub mchod chen mo tshogs pa'i skabs