[A:418]mtshams zla ba bzhi tsam dang / mkha' spyod ma'i sku mtshams zla ba bzhi tsam dang / 'jam dbyangs dkar po'i sku mtshams zla ba bzhi tsam dang / tshe sgrub zla shas bcas bzhugs pa dang / der ma zad dus rgyun du'ang sku mtshams kyi ming dmigs bsal ma btags rung / mtshams par rlom pa mang pos kyang 'gran du med pa'i thugs dam kho na la rtse gcig tu gzhol ba dang / rgyud nas bshad pa ltar gyi bdud rtsi ril bu'i sman rnams 'dzom pa dang bstun lo gnyis gsum re'i mtshams nas bdud rtsi ril bu chig sgrub re chag med lta bur mdzad pa dang / skabs skabs su bla ma mchod pa dang / yi dam gyi lha 'ga' zhig gi sgrub mchod dang / chos srung rnams la skong gso sogs nyin grangs kha shas re gsung ba dang / dgung grangs zhe bzhir son pa chu 'brug gi lor/ mkhan chen rdo rjai 'chang byams pa kun dga' bstan 'dzin dang / sde dge chos rgyal chen po byams pa kun dga' sangs rgyas bstan pa'i rgyal mtshan ston 'khor rnams mdo khams nas e wa~M du phebs/ mkhan chen rdo rje 'chang gcen byams pa kun dga' bstan 'dzin gyi drung nas dpal kye rdo rje'i rgyud lam gyi dbang dang / nA ro mkha' spyod kyi byin rlabs sngon du 'gro ba'i sgo nas de'i sngon 'gro thun mong dang thun mong ma yin pa dang / bskyed rim rnal 'byor bcu gcig /rdzogs rim rtsa dbu ma/ bde ba dang 'ja' lus sgrub pa/ mkha' spyod yab yum gyi 'pho ba/ nang gi mkha' spyod sgrub pa sogs nA ro mkha' spyod ma'i nyams khrid yongs su rdzogs pa dang / chos nyid dngos su ston pa'i byin rlabs bcas gsan pa dang / sde dge chos rgyal chen po'i drung nas kyang zhal rnam 'gyur bcu bdun gyi rjes su gnang ba rnams gsan par mdzad do/ /gzhan yang de skabs kyi lo snga phyi kun tu gdul bya so so'i mos pa dang bstun