[A:430]de'i drung nas dpal phyag na rdo rje gos sngon po can gyi rjes gnang sngon du 'gro ba'i bya rgyud nor can gyi rigs su gtogs pa'i rgyal chen rnam thos sras bka' mi 'dra ba bcu drug dang / rnam sras snyan grags sgrub pa bcas kyi rjes su gnang ba dang / bya rgyud gshegs rigs kyi bdag po 'phags pa 'od zer dri ma med pa thub dbang lha bdun ma'i dbang bskur ba bcas gsan pa dang / yang zhwa ser gyi cod pan 'dzin pa'i bstan 'dzin rnams kyi gtsug rgyan bcu phrag rig pa'i ma hA paNDi ta a mdo bkra shis 'khyil gyi brag dgon zhabs drung rin po che dkon mchog bstan pa rab rgyas e wa~M du phebs pa na/ de'i drung nas kyang theg pa chen po'i gso sbyong gi sdom pa dang / mkhan chen ngag dbang chos grags kyi yig cha'i steng nas dge ba'i bshes gnyen bka' gdams pa'i thugs dam lha bzhir grags pa'i rjes su gnang ba rnams dang / bya rgyud padma'i rigs kyi pho nya mo dbyangs can ma dkar mo sa manta shrI nas brgyud pa'i rjes su gnang ba dang / de'i rjes gnang tshig lhug pa dang / de'i sgrub thabs las sbyor tshigs bcad ma bcas thugs sras rin chen rnam rgyal gyis mdzad pa dang / bo dong paN chen gyis mdzad pa'i bstod pa rgyan gyis phreng ba bcas kyi lung / rnal 'byor bla na med pa'i pha rgyud mi bskyod pa'i rigs kyi khro bo phyag na rdo rje 'khor lo chen po lha bco brgyad kyi ras bris kyi dkyil 'khor du dbang bskur ba dang / de'i sgrub dkyil 'dul 'dzin grags pa rgyal mtshan gyis mdzad pa'i lung bcas/ dkon mchog lhun grub yig steng nas dpal phyag na rdo rje u tsarYa'i rjes su gnang ba dang / pha rgyud rnam snang gi rigs su gtogs pa grub chen dpal 'dzin gyis legs par bkral ba'i bcom ldan 'das gshin rje'i gshed dmar po lha bcu gsum