[A:431]ma'i ras bris kyi dkyil 'khor du dbang bskur ba/ bu ston rin po che'i sgrub dkyil gnyis kyi lung dang bcas pa/ rmor chen kun dga' lhun grub kyi yig cha'i steng nas dgra nag gi rgyud nas bstan pa'i 'phags ma dbyangs can ma dmar mo gsang sgrub kyi rjes su gnang ba/ de'i sgrub rjes 'jam dbyangs bzhad pa dkon mchog 'jigs med dbang pos mdzad pa'i lung bcas/ paN chen dpal ldan ye shes kyi nag 'gros steng nas dpal rdo rje 'jigs byed kyi phyag mtshan mda' gzhu la brten nas bi Sha bsad pa'i las tshogs dug dbang rma bya rgyas pa dang / ma rgyud he ru ka'i rigs su gtogs pa grub chen dril bu lugs kyi bde mchog phyi dkyil lha lnga'i ras bris kyi dkyil 'khor du dbang bskur ba dang / de'i sgrub dkyil thugs sras lo tsA bas mdzad pa'i lung dang bcas pa/ dpal 'khor lo sdom pa rnal 'byor gsang mtha' ltar bkral ba zab don dril bu pa'i lugs kyi bde mchog lus dkyil gyi dkyil 'khor du dbang bskur ba/ de'i sgrub thabs dang / bdag 'jug gi sdom dang / bdag nyid 'jug pa dang bcas pa 'phags pa rin po ches mdzad pa'i lung bcas/ ngag dbang mchog legs rdo rje yig cha'i steng nas ma rgyud padma gar dbang gi rigs su gtogs pa rje ras pa badzra kIrti nas brgyud pa'i rta mgrin pad dbyug can gyi rjes su gnang ba dang / ngag dbang brtan pa'i rdo rje'i yig steng nas dpal kye rdo rje'i bshad rgyud gur nas gsungs pa'i 'byung 'dul sems dpa' sum brtsegs kyi rjes gnang me dbang gsum dang bcas pa/ dga' ldan pa kun dga' bsod nams kyi yig cha'i steng nas tshogs bdag dmar chen khyad par can gyi rjes su gnang ba dang / dmar chen thun mong ma yin pa'i rjes gnang bdag chen blo gros rgyal