[A:624]pas kyang mdzes par mi bgyid pa dang / lhag par dga' ba la sogs pa nang gi 'gyur ba chen po brgyad 'phel ba las byung ba'i sgeg pa dang / dpa' ba sogs snyan ngag gi nyams sna tshogs dang ldan pa'i gom stabs mdzes par bskyod pas blo gros dang ldan pa dag la yid kyi 'gyur ba rang dbang du skyed par nus pa'i yon tan khyad par 'phags pa dang ldan pa'i phyir smra ba'i dbang phyug chen po dag gis kyang ngo mtshar gyi mig bgrad pa'i spyi bo na gtsug gi nor bu bzhin du bkur te mngon par sngags pa'i 'os su gyur pa dang / legs par bshad pa'i cha shas gang la brtags kyang sdeb sbyor gyi ngal bso'i gnas dang / mtshams sbyor ba dang / yul dus sgyu stsal dang 'gal ba la sogs pa'i skyon gyi rigs phra mo tsam gyis kyang reg pa'i go skabs med pa dang / khyad par du'ang zab mo nang don rig pa'i sde snod theg pa che chung dang / rgyud sde bzhi'i rnam bshad dang / khrid kyi rim pa sogs dgongs 'grel gyi bstan bcos phul du byung ba dag la/ rig pa dri ma med pas ji tsam brtags kyang rang rang gi khungs su gyur pa'i lung de dang de las phyi rol du gyur pa phra mo tsam mam/ rigs pa'i rnam grangs 'di lta bu zhig dang 'gal gyis dogs pa'am/ rang tshig snga phyi dang 'gal ba sogs nyes pa'i dri ma cung zad tsam gyis kyang reg par mi nus pa ni blo dang ldan pa dag gis bdag nyid chen po 'di'i gsung rab rin po che dag la zhib tu dpyad pas rtogs nus pa yin no/ /de lta bu'i legs par bshad pa'i rnam grangs ji snyed cig bzhugs pa re re nas smos kyis ma langs kyang / mtshan byang rags rim tsam brjod na/ mkhan chen rdo rje 'chang byams pa kun dga' bstan 'dzin gyi zhabs brtan gsol 'debs le'u tshan bzhi/ rje de nyid kyi mchog sprul myur 'byon gyi gsol 'debs 'dod don myur 'grub kyi pho nya/ mkhan chen rdo rje 'chang rnal 'byor