[A:632]mar bskyangs te/ de lo'i lam 'bras gnang skabs rgyud gsum gyi lta ba 'khor 'das dbyer med kyi dmigs khrid tshugs skabs slob ma rnams nas chos rim 'don pa'i tshe/ rje nyid bzhugs khri'i steng du cung zad mnal dang 'od gsal 'dres pa lta bu'i gzigs snang la/ gtsug lag khang gi rgya mthongs khar bla ma sa chen yin zhu ba'i bla ma zhig gis gtso bor mdzad/ lam 'bras bla ma brgyud pa thams cad bgres nyams can sha stag bzhugs 'dug pa dang / de'i nang na ngor chen rdo rje 'chang de nyid na bza' gsar pa shin tu legs pa zhig gsol nas rje nyid la zhal 'dzum pa mdzad cing gsung zhig 'byon grabs la/ de skabs gtsang khang nang thar rtse'i bskang gso zhig yod stabs go 'jo chos khrims pas dgongs pa zhus byung ba'i rkyen gyis mnal sad byung bar thugs shin tu pham pa zhig byung / gang ltar yang bla sku bgres nyams can sha stag gzigs pa de deng sang sa ngor gyi bstan pa cung zad nyag phra ba 'di'i rtags su 'dug /'on kyang ngor chen na bza' gsar pa bzhes pa de bshad sgrub kyi bya ba la rtse gcig tu 'bad na bstan pa 'di cung zad je dar du 'gro ba'i ltas su snang bas/ nged rang gis kyang de sngon bstan pa'i bya ba la rtse gcig tu 'bad khul byas pa yin/ da dung yang e wa~M pa'i bstan pa 'di khyed bla ma rnams la rag las pas dbang lung 'tshol ba dang / slob gnyer la nan tan du 'bad pa'i sgo nas bstan pa'i bya ba la 'bad pa drag po mdzad dgos so zhes/ skyabs rje rdo rje 'chang de nyid nas yang yang bka' pheb byung zhes khang sar mkhan rin po che ngag dbang bsod nams rgyal mtshan nyid kyis bdag la bka' stsal to/ /yang khrir bzhugs skabs slob ma 'ga' zhig la snar thang brgya rtsa zhig zhag 'ga' re gnang bar/ dang po bka' chos kyi dbu tshugs pa dang phug ron