[A:533]sogs par ston pa he ru ka'i tshul dang / mi mjed la sogs par sangs rgyas sprul pa'i sku'i zhing khams grangs med pa rnams su sngar sangs rgyas kyi mdzad pa mdzad de mya ngan las 'das pa dang / da lta bla na med pa'i byang chub chen po gsar du brnyes pa'i tshul bstan te 'tsho zhing gzhes pa dang / ma 'ongs pa na'ang srid pa ji srid kyi bar du sangs rgyas kyi rol pa rgyun mi 'chad par ston par 'gyur ba dang / de bzhin du byang chub sems dpa' dang / nyan thos dang / rang sangs rgyas dang / mngon par shes pa lnga dang ldan pa'i drang srong chen po rnams dang / gsang sngags kyi rig pa 'dzin pa dang / tshangs pa dang / dbang phyug la sogs pa 'jig rten pa'i chen po rnams dang / gzhan yang ri bong dang / stag dang / seng ge dang / gru dang / gzings dang / zam pa dang / yid bzhin gyi nor bu dang / dpag bsam gyi shing la sogs pa gang la gang 'dul gyi rnam par rol pa sna tshogs su ston par mdzad pa ste/ mgon po byams pas/ rtag tu thams cad la khyab pa'i/ /chos dbyings nam mkha'i dkyil du ni/ /sangs rgyas nyi ma gdul bya yi/ /ri la ji ltar 'os pa 'babs/ /zhes dang / mngon rtogs rgyan las/ rgyu ni yongs su smin gyur pas/ /gang tshe gang la gang du ni/ /gang tshe bya ba phan gyur pa/ /de dang de la der snang ngo / /zhes dang / mdo sde rgyan las/ bzo dang skye dang byang chub che/ /mya ngan 'da' bar rtag ston pa/ /sangs rgyas sprul pa'i sku 'di ni/ /rnam par grol ba'i thabs chen po/ /zhes dang / rdo rje gur las kyang / 'jig rten 'dul bar gzigs nas ni/ /'di ni du ma'i