[A:655]'das pa'i tshul bstan pa de nas bzung bdag cag dge slong bzhis lam zab mo bla ma'i rnal 'byor gyi nyams len dang / dpal kye rdo rje'i bskyed rdzogs kyi rim pa la sogs pa rje nyid kyi rgyun du ji ltar thugs nyams su bzhes pa'i yi dam lha'i sgrub thabs rnams dang / gtor bsngos kyi rim pa dang bcas pa thugs dam ma grol gyi bar du thun gnyis su bcad nas nyams su blangs pa yin la/ gang gi tshe tha ma'i gzims mal du yongs su mya ngan las 'das pa'i mdzad pa bstan pa la mngon du phyogs par gyur pa/ tshes bzhi'i tho rangs tsam nas bzung zhal gyi dkyil 'khor sngar las gsal zhing sku lus gzi brjid dang ldan pa sogs bla na med pa'i ye shes kyi bdud rtsi thob pa'i gang zag rnams kyi dbang po yongs su gsal zhing / bzhin gyi mdog ni dag la/ pags pa'i mdog ni dkar ba la sogs pa sngar las gnas yongs su 'gyur bar gsungs pa dang mtshungs par gyur to/ /skabs de dag tu 'ja' sprin kha dog sna tshogs pa rgyun mi 'chad pa zhig byung yang / tshes bdun gyi snga dro lhag par 'ja' sprin mang ba dang / khyad par sman rtse'i mdog lta bu'i 'ja' sprin thig le dang thig phran grangs med pa dag gis nam mkha'i dbyings thams cad khyab pa la/ rgyab ri'i ngos nas lho phyogs su 'ja' sngon po mtha' kha dog sna tshogs yod pa ched du bris pa lta bu zhig dar yug brkyangs pa bzhin lho phyogs logs su zug pa'i sne mor 'ja' kha dog sna lnga dbyibs gru bzhi 'dom gang gi rgya khyon tsam gyi dbus kyi cha thams cad nam mkha'i mdog dang mtshungs pa'i sngon po 'ba' zhig tu snang ba sogs blta bar mi bzod pa'i bkod pa dang ldan par shar ba dang / tshes drug gi nub zhabs drung rin po che'i mnal lam du'ang