[A:656]rje de nyid sngar gyi rnam pa ji lta ba bzhin pheb ste gsung 'phros 'ga' zhig mdzad cing phyogs gzhan zhig tu pheb par brtsams pa'i gzigs snang la brten thugs dam grol ba yin nam snyam du dgongs te nangs par snga bar sku gdung rin po che mjal ba la phebs pa na dbu mdun du cung zad gug par mngon pa tsam las zhal mdangs sogs sngar gyi de kar 'dug pas ji lta ba bzhin ma nges pa'i dbang gis de nyin bcas bcos ci'ang ma nus/ phyi nyin tshes brgyad kyi snga dro zhib tu mjal bas shangs bug gnyis nas bzung mgul gong gi na bza'i bar du rta rnga'i sbom phra tsam gyi skya nar ba zhig ka ba btsugs pa lta bu snang ba zhig tu gzigs pas byang sems babs pa'i rjes su mngon pas/ slar yang na bza'i nang dang sku lus sogs la legs par brtags pa'i tshe byang sems dkar po 'ba' zhig mgul gong du babs pa rnams bskams zin 'dug pa bcas slar yang 'chi ba 'od gsal chos kyi sku las zung 'jug longs spyod rdzogs pa'i skur bzhengs te sa bcu'i byang chub sems dpa' rnams la theg pa chen po'i chos kyi 'khor lo rgyun mi 'chad par bskor bar mdzad pa'am/ rnam pa gcig tu na sprul pa'i rol pa sna tshogs su ston par mdzad pa 'og min lha'i rgyal po'i gnas na bzhugs pa'i sprul gzhi bcom ldan 'das longs spyod rdzogs pa nyid kyi thugs kar thim par gdon mi za'o/ /de nas lha dang bcas pa'i 'jig rten thams cad kyi mchod sdong chen po sku gdung rin po che de nyid la lha rdzas kyi na bza' dang / rigs lnga'i dbu rgyan la sogs pa gsol te shin tu mtho zhing brjid pa'i seng ge'i khri la bzhugs su gsol nas dad pa can rnams kyi rgyud la bsod nams kyi tshogs chen po spel ba'i slad du mjal zhing phyag