[A:659]'das ngan song thams cad yongs su sbyong ba'i rgyud kyi brtag pa dang po nas bstan pa'i kun rig rtsa ba'i dkyil 'khor lha sum cu so bdun mgron thabs kyi lha dang bcas pa'i ras bris kyi dkyil 'khor chen po zhal phyes te sgrub cing mchod pa dang 'brel bar bla ma dang khyab bdag rnam snang chen po tha mi dad pa'i spyan sngar bdag nyid 'jug cing dbang blang ba la sogs pa'i sgo nas nyin re bzhin cho ga tshar gnyis re mdzad pa dang / lhag par bdun phrag re re rdzogs pa'i nyin gong gi tshogs pa rnams kyi steng du slar yang dge slong bcu re bsnan pa'i nyi shu re'i dbur bla khag gi mkhan chen rnams dang / zhabs drung rnams dang / tshogs chen gyi dpon slob las thog pa sogs bla ma re re tshogs kyi rdo rje slob dpon du gdan zhus kyi thog /dge ba'i rtsa ba thams cad byang chub snying po'i bar du 'dzad pa med cing gong nas gong du 'phel ba dang / rje btsun rdo rje 'chang chen po de nyid kyi zag med thugs kyi dgongs pa mtha' dag yongs su rdzogs pa'i bsngo ba rnam par dag pa'i rgyas 'debs pa dang bcas pa mdzad do/ /de'ang mkhan rin po che rnams kyi mdun mchod cha na bza' la sogs pa mdor na dngul srang brgya skor gyi rtsis dang / zhabs drung rin po che rnams kyi mdun dngul srang drug cu re'i rtsis dang / gzhan yang dpon slob rin po che sogs bla ma so sor 'bul ba zab rgyas su mdzad pa dang / sgrub mchod khag gi tshogs su bzhugs pa'i dge 'dun rnams la'ang rgyun du dngul zho re dang / sku tshigs so sor TaM re re phul bar mdzad cing / skabs skabs su sku gdung rin po che'i mdun mchod 'bul zab rgyas dang 'brel bar bla ma mchod pa'i cho ga'ang lan grangs du ma'i bar du mdzad pa dang / gzhan yang rje btsun dam pa de nyid