[A:662]bris gnang bas mtshon dbang po yang rab tu gyur pa'i zhal slob rnams la ni rmi lam sogs su zhal bstan zhing rjes su 'dzin par mdzad pa sogs rtags mtshan khyad par du 'phags pa'ang byung bar snang ngo / /de ltar sku gdung rin po che ji srid dgung zhag yongs su rdzogs pa grol la nye ba'i bar lha dang bcas pa'i 'jig rten thams cad kyi bsod nams kyi zhing du bzhugs su gsol ba la nyin re bzhin rnam gsum rgya mchod res gtsos mchod pa'i rnam grangs dpag tu med pas rgyun ma chad par mchod cing gsol ba btab ste rang gzhan gyi rgyud la dge ba'i rtsa ba mtha' yas pa gong nas gong du 'phel bar bgyis nas/ slar hor zla bcu pa'i tshes nyer gcig gi nub gdung khang myang 'das mchod rten gyi dbyibs su brtsegs pa'i nang spos dang rol mo'i bye brag sna tshogs pa dang bcas spyan drangs/ de'i phyi nyin tshes nyer gnyis kyi tho rangs lung rtogs yon tan rgya mtsho'i gter mdzod mkhan rin po che khri thog pa dpal ldan blo gros rgyal mtshan tshogs kyi rdo rje slob dpon du bzhugs te bsnyen sgrub mthar phyin pa'i dge slong rdo rje 'dzin pa bcu phrag gcig 'khor dang bcas pas dpal kye rdo rje'i sgo nas sku gdung rin po cher zhugs phul ba dang / de dang mnyam du bdag cag dpon slob bcus bcom ldan 'das kun tu rig pa chen po'i sgo nas zhugs la bzhen pa'i zhabs tog tshul bzhin bsgrubs te/ de'ang thog mar zhugs phul ba'i skad cig dang po nyid nas glo bur du ye shes kyi me rang byung du 'bar ba lta bu'i gdung khang gi nang thams cad khyab cing dud pa rnams dang po dgon pa'i nub phyogs kyi nam mkha' la thal byung du song ste chos grwa chen po nyid la g.yas bskor dang bcas mthar nam mkha'i dbyings su song ba'i rkyen