[A:668]nyid gtso bor bzhugs pa la bla ma yi dam sangs rgyas byang sems chos srung nor lha dpag tu med pas bskor ba shin tu che legs shig bzhengs nas dpon slob 'ga' zhig gis rab tu gnas pa rgyas par mdzad/ lo de'i hor zla dgu pa'i tshes bzhi'i nyin dus thang rin po che gtsug lag khang du gdan drang pa dang chab cig 'dus pa rgya mtshor bla mchod nyin gnyis gtsugs par mdzad pa la'ang phyag 'gyed dngul TaM re dang / de'i phyi nyin dngul zho re phul bar mdzad/ de mtshungs dpal mchog rigs bsdus dang / bde mchog mkha' 'gro rgya mtsho gnyis kyi dkyil thang shin tu legs pa re'ang rje rdo rje 'chang de nyid kyi dgongs pa dang mthun par zhabs drung rin po che nyid nas ched du bzhengs par mdzad cing / gzhan yang dgon pa'i dge slong 'ga' zhig la yon 'bul la sogs pa'i bsnyen bkur zab rgyas su mdzad nas snga phyir smyung gnas cha bzhi bcu zhe lnga skor dang / sher phyin brgyad stong pa lnga bcu lhag par sgrogs su stsal ba dang / dus phyis me pho byi ba'i lo'i hor zla dang po'i nang rtse gdong nas dngul mgar shin tu mkhas pa gsum 'bod par mdzad de/ gser zangs las grub pa'i 'dra sku rin po che mda' tshad lhag tsam la bzhugs khri rgyab yol dang bcas pa dang / rin chen gnyis pa 'degs srang brgya phrag las grub pa'i rnam rgyal mchod rten mda' tshad lhag tsam yod pa rin thang gzhal bar dka' ba'i rin po che'i phra rgyan gya nom pa mang pos mdzes par spras pa dang bcas zla ba bzhi'i khongs su grub pa la khyad par du 'phags pa'i ring bsrel dang / sku 'dra li ma/ byin rten sna tshogs pa/ sku gdung rin po che'i cha shas las grub pa'i sku 'dra rnams dang / khyad par 'dra sku rin po cher srog shing brtan pa'i