[A:670]bsnyen bkur zhabs tog phun sum tshogs pa bsgrubs pas thugs yongs su mnyes par mdzad pa dang bcas bkra shis kyi char chen po phyogs thams cad du phab bo/ /gzhan yang gtsang dbus khams gsum na bzhugs pa'i zhal slob kyi tshogs bgrang du med pa dag gis rje rin po che de nyid kyi zab dgongs chos kyi dbyings su rdzogs pa'i phyir dgongs rdzogs kyi rim pa ji snyed bsgrubs pa rnams ni mtha' yas pa'i phyir 'dir smos kyis ga la langs/ der ma zad rje btsun dam pa 'di ni e wa~M pa'i bla grwa rnams dang / thar rtse rang gi grwa rigs rnams kyis gtsos sa steng gi skye 'gro thams cad kyi 'di phyi'i re ltos bca' ba'i yul gcig pur gyur pa'i dbang gis mi phyed pa'i dad pa chen pos kun nas bslangs te snga phyir dgongs rdzogs kyi rten dang gdung 'bul gyi rigs phul ba dpag tu med pa zhig byung ste/ de rnams kyang phra mo tsam yang chud zos su ma song bar dge tshogs rgya mtsho chen po 'di nyid kyi thebs su smin par bgyis te snying po byang chub kyi bar du 'dzad pa med par bsgrubs par mdzad pa ste/ mdor na de lta bu'i dgongs rdzogs rnams kyi dbu dang por 'dzugs pa nas bzung yongs su rdzogs pa mthar ma phyin gyi bar du bar chad kyi rnam pa cung zad tsam yang med cing mthun rkyen thams cad 'bad med lhun gyis grub par gyur pa ni bdag cag gi bla ma yon tan ma lus pa'i phung por gyur pa 'di nyid kyi phrin las kyi rol pa kho na las byung bar shes par bya'o/ /de ltar na las nyon gyi 'ching ba kun ldan bdag cag lta bu gdul bya dman pa rnams kyi snang ngor/ mgon po byams pas/ ji bzhin yang dag mthong ba'i phyir/ /skyes sogs rnam pa 'das