[A:675]don la de ltar rmongs gyur pa'i/ /bdag cag dman pa'i 'gro 'di nyer gzigs nas/ /sprul pa'i zla snang gsal bar bstan du gsol/ /rdzu 'phrul gang gis ba spu'i khung bu rer/ /mtha' klas zhing yang dus gcig ston mdzad na/ /nyon mongs rdul gyis bkab pa'i m-ig lam du/ /ye shes rol pa mngon sum 'char bar mdzod/ /rnam par rtog pa'i 'bad rtsol med bzhin du/ /lhun grub phrin las rgyun mi 'chad pa yi/ /rgyal ba rnams kyi rang bzhin gang lags pas/ /bdag sogs 'gro kun rjes su gzung du gsol/ /zhes khams gsum chos kyi rgyal po mkhan chen rdo rje 'chang byams pa kun dga' bstan pa'i rgyal mtshan dpal bzang po'i rnam par thar pa yon tan mtha' yas pa'i rgya mtsho dngos grub kyi rba rlabs rnams par g.yo ba las/ tha ma'i gzims mal du bzhugs te yongs su mya ngan las 'das pa chen po'i tshul bstan kyang phrin las kyi 'khoralo rgyun ma chad par bstan pa'i skabs te brgyad pa'o/ /'dir smras pa/ sras bcas rgyal ba'i thor tshugs utpa las/ /zhabs sen bdud rtsi'i dog pa nyer bsten pa'i/ /ngo mtshar nor bu'i rdzing chen mgon de yi/ /yon tan dran pas slar yang phyag bgyi'o/ /rab 'byams rgyal ba kun gyi ye shes dang / yon tan ma lus gcig tu 'khyil ba'i gtam/ /gang 'di sras bcas rgyal bas mgrin gcig tu/ /bskal pa bye bar bstan kyang 'dzad pa med/ /de phyir rgyal ba'i mdzad pa lta ci smos/ /gdul bya'i snang ngo tsam yang ji bzhin du/ /mthong ba'i mig rab nyams gyur bdag lta bus/ /tshul 'di rmi lam du yang