[A:526]pa srid na dkon snyam bgyid/ /mgon po srid gsum gsal ba'i nyi ma yis/ /btang gyur bsod nams bral ba'i mig 'dis ci/ /da ko lhag mar gyur pa'i ro 'dzin tsam/ /'dis kyang ci phyir snying po len mi byed/ /shes pa'i mig rab btsums gyur bdag gis ni/ /mdzad pa rgya mtsho'i pha mtha' ji ltar mthong / /'on te thun mong mdzad pa'i cha shas tsam/ /da lta dran pa'i yul du lhag mar lus/ /gang 'di 'jig rten gzhan du mgon de yis/ /yongs su gzung ba'i skal bzang la re nas/ /dad dang yon tan dran pa'i chu yis ni/ /bzhin gyi padmo 'khru zhing 'dir brjod do/ /zla ba rdzogs pa'i 'od zer las gsal ba'i/ /rtogs brjod nor bu'i phreng ba 'di sbyin gyi/ /dad gsum lang tsho rgyas pa'i shes ldan dag /lag sor padmo zum pas da long zhig /de'ang bdag cag gi dpal ldan bla ma dam pa dus gsum bde bar gshegs pa thams cad kyi ring lugs pa chen po/ /rnam par thams cad du ma smad pa'i tshul khrims kyi sdong po rgyas pa/ dri ma med pa'i shes rab zab mos lung dang rigs pa rgya mtsho'i pha rol tu byon pa/ gcig tu gzhan don la dgongs pa'i byang sems kyi spyod pa zla ba ltar gang ba/ rab 'byams rgyal ba rgya mtsho'i sku gsung thugs kyi gsang ba ma lus pa gcig tu 'dus pa'i ngo bo/ gter chen po ltar dam chos rin po che sna tshogs pa'i 'byung gnas/ dus gsum gyi rgyal ba sras dang bcas pa dang po byang chub la 'god pa'i lam bla na med pa ston pa/ zhi ba'i