[A:579] chab mdo zhal ngo yab sras kyi thugs dam lcags ri'i phyi las mi 'da' ba'i zab chos grub chen mi tra dzo ki'i man ngag chos drug tu grags pa thugs rje chen po rgyal ba rgya mtsho/ phyag na rdo rje/ 'jam dbyangs/ tshe dpag med/ sgrol ma/ dzambha la bcas/ de'i cha lag rta mgrin dmar chung dang / bka' srung brag lha mgon po bcas brgyad/ mgon po phyag bzhi pa/ phyag bzhi pa mgon dkar 'chi bdag 'joms pa/ mgon dmar dngos grub lcags kyu/ mgon ser dgos 'dod kun 'byung / mgon ljang phrin las lhun grub ste rjes gnang bzhi bcu zhe brgyad bcas dang / yang 'jigs byed zhal phyag yongs rdzogs/ legs ldan mched gsum gyi rjes gnang bcas gsan no/ /lung gi skor la/ bstod pa brgya lnga bcu pa slob dpon rta dbyangs kyis mdzad pas mtshon rgyud so so'i 'grel pa dang / sgrub thabs sogs 'phags yul mkhas pa'i bstan bcos mang du gsan pa rnams ni bri bar ma nus pas zhib par gsan yig rin po che las rtogs par bya'o/ /gzhan yang bcom ldan 'das sman gyi bla ma'i rnam 'phrul drang srong rig pa'i ye shes kyis gsungs pa'i rtsa rgyud/ bshad rgyud/ man ngag rgyud/ phyi ma rgyud de sman gyi rgyud bzhir grags pa'i lung / man ngag rgyud kyi lhan thabs mi dbang sangs rgyas rgya mtshos mdzad pa/ dar mo sman rams pa blo bzang chos grags kyis bsgrigs pa'i gdams ngag bka' rgya ma bcas/ bka' gdams glegs bam rin po che pha chos le'u nyi shu rtsa drug /bu chos le'u nyi shu rtsa gnyis/ ngo mtshar ba'i gtam 'thor bu'i le'u gcig /gzhan yang lo rgyus la sogs pa