R205: khams gsum 'gro ba'i 'dren pa mkhan chen rdo rje 'chang byams pa kun dga' bstan pa'i rgyal mtshan dpal bzang po'i rnam par thar pa yon tan mtha' yas pa'i rgya mtsho dngos grub kyi rba rlabs rnam par g.yo ba/ lam 'bras slob bshad/ {bod yig glog rdul dpe cha/}

  • Pagination (Witness A): 580
[A:580]phran 'ga' zhig ste yongs dril yig sna nga drug gi lung / be'u bum sngon po'i 'grel pa slob dpon jo bos mdzad pa/ blo sbyong legs bshad kun 'dus kyi pod sogs bka' gdams gong ma rnams kyi gsung rab mang po/ jo nang sprul sku kun dga' snying po'am/ tA ra nA tha'i bka' 'bum deng sang lung rgyun gang bzhugs kyi lung bcas gsan no/ /yang sku na phra mo'i skabs zhwa ser bstan pa'i gtsug rgyan brag dgon zhabs drung rin po che dkon mchog bstan pa rab rgyas drung nas zab chos 'ga' zhig gsan te/ de'ang theg pa chen po'i blo sbyong don bdun ma'i gdams pa zab mo glegs bam bcas kyi lung / bka' gdams lha bzhi'i rjes gnang / dbyangs can dkar mo'i rjes gnang thun mong ma yin pa/ phyag rdor 'khor chen lha bco brgyad pa dang / gshed dmar lha bcu gsum ma'i dbang / phyag rdor u tsArYa dang / dbyangs can ma dmar mo'i rjes gnang / 'jigs byed kyi dug dbang rma bya rgyas pa/ bde mchog dril bu phyi dkyil lha lnga dang / lus dkyil gyi dbang / rta mgrin dmar po padma'i dbyug to can gyi rjes gnang bcas gsan/ gzhung lugs smra ba dga' ldan dpon slob byams pa smon lam grags pa'i drung nas lam 'bras bla ma brgyud pa rgya gar pa'i lo rgyus nas bzung yab rje bsod nams rin chen bar gyi lam 'bras tshogs bshad bla ma brgyud pa'i rnam thar skor gyi lung rnams gsan/ rnam 'dren dam pa mnga' ri'i bla ma kun dga' 'jam dbyangs drung nas o rgyan mchog gyur bde chen gling pa'i gter byon thugs sgrub bar chad kun sel gyi dbang dang / gza' yum gtso 'khor rnams kyi dbang bskur ba gsan/ sgrub brgyud bstan pa'i nyi ma gangs ri'i rdo rje 'dzin pa 'jigs