[A:591]pos phyogs ma lus pa ral ba tsam du gyur to/ /phrin las grib bsil ring po'i chab 'og tu/ /skye rgu ngal 'tsho thob pa'i mgon po des/ /zhabs sor chu skyes bkod pa'i rdul phreng yang / /cod pan nyid du spyi bor 'ching bar byed/ /de snyam kun rtog pir gyis yid la ni/ /ring nas bkra ba'i ri mo sgrub pa bzhin/ /dus 'dir chos kyi khri la dbang bsgyur ba'i/ /skal bzang 'khri shing gsar pa 'gro 'dis thob/ /gang tshe bkra shis snang ba brgya phrag gis/ /'jig rten cig car khengs pa'i gtam gyis ni/ yid la ngo mtshar thob pa'i rdzogs ldan dpal/ /gzugs can bzhin du ltad mor lhags pa ltar/ /shin tu snyigs mar gyur pa'i dus mtha' 'dir/ /'gro kun srid las sgrol ba'i snying stobs che/ /nam yang zhum pa med pa'i dpal rtsal 'dis/ /thub pa'i nyi ma ma lus zil gyis mnan/ /thugs rje'i 'od zer gcig gis 'jig rten kun/ /gsal mdzad rgyal ba'i nyi ma dus mtha' 'dir/ /'di ltar shar ba'i legs byas bsgrubs gyur pa'i/ /'gro 'di'i bsod nams gting mtha' su yis rtogs/ /ces khams gsum chos kyi rgyal po mkhan chen rdo rje 'chang byams pa kun dga' bstan pa'i rgyal mtshan dpal bzang po'i rnam par thar pa yon tan mtha' yas pa'i rgya mtsho dngos grub kyi rba rlabs rnam par g.yo ba las/ rje rgyal ba gnyis pa'i chos kyi khri la bstan pa'i bdag po chen por mnga' gsol ba'i skabs te bzhi pa'o// // ! de ltar rje rgyal ba gnyis pa'i chos kyi khri la zhabs sen rnam par bkod pa'i skal bzang gi nyi ma 'jig rten gyi bla na 'char ba de nyid nas brtsams te gdul bya skal ba dang ldan pa rnams la chos kyi