[A:594]rab smin par byed pa na/ /pha rol sems dge gcig gi phyir yang ni/ /bskal pa bye ba stong du'ang skyo mi 'gyur/ /zhes gsungs pa lta bu'o/ /de dag gi skabs su'ang zhum pa la gzengs bstod/ rgod pa la 'khor ba'i nyes dmigs legs par bshad/ rmugs pa rnams la ngo mtshar gyi gtam bshad nas ni nyan du gzhug /ces pa ltar skabs su bab pa'i gsung gi gling bus chos nyan pa rnams kyi bying ba dang rgod pa bzlog cing 'khor ba las yid nges par 'byung ba dang / chos nyan pa la spro ba bskyed cing gzengs bstod par yang mdzad do/ /'chad pa'i tshul de lta bu'i sgo nas gdan sa chen po'i chos kyi khri la pheb nas sa mo lug gi lo rje nyid dgung grangs sum cu so gcig tu pheb pa'i bar lo brgyad la stod smad bar gsum nas 'dus pa'i gdul bya skal ba dang ldan pa kun gsal lam gyi skar tshogs lta bur lhags pa rnams la lo re bzhin rje btsun rnal 'byor gyi dbang phyug 'jig bral dpal ldan chos skyong gis legs par bkral zhing / rje btsun sa skya pa yab sras rnams kyi thugs kyi nying khur gyur pa gsung ngag rin po che lam 'bras bu dang bcas pa'i gdams pa zab mo mkha' 'gro'i zhal rlangs ma nyams pa'i smin grol gyi lam yongs su rdzogs pa rgyab rten be'u bum rnams kyi lung dang bcas pa zab cing rgyas pa tshar re stsal ba dang / dpyid kyi dus tshigs gsum rim can gyi sgo nas gdul bya brgya phrag mang po bstan pa'i rtsa ba so sor thar pa'i sdom pa dang ldan pa la bkod pas ngur smrig rgyal mtshan 'dzin pa'i mdangs kyis nam mkha'i kha dog kyang 'gyur ba tsam du mdzad pa dang / der yang ma zad dus nges pa med par so so'i bsam pa'i bye brag gis rang rang gi mos pa dang mthun par chos kyi 'khor lo sna tshogs pa bskor bar gsol ba 'debs pa'i gdul bya skal ba dang ldan