[A:597]kar phan khang zhabs drung rin po che dpal ldan blo gros rgyal mtshan gyis dbus don gnyer rnams la kye rdo rjai bka' babs bzhi'i dbang / sgrub thabs brgya rtsa dang / sgrub thabs rgya mtsho'i rjes gnang rgya gzhung gi lung bcas/ snar thang brgya rtsa/ 'jigs byed lha bcu gsum ma'i dbang / gshed dmar spros med kyi khrid bcas dang / de'i ston kar dkon mchog lhun grub kyi bka' 'bum lung bcas gnang / lo der grub thob yongs kyi 'khor los sgyur ba mkhan chen rdo rje 'chang rnal 'byor 'jam dpal bzang po dang / khyab bdag 'jam pa'i rdo rjai mkhan chen rdo rje 'chang 'di nyid kyis dbu mdzad pa'i sde snod 'dzin pa bcu phrag tsam gyis dpal kye rdo rje la brten pa'i rab gnas shin tu rgyas par mdzad de/ g.yab chen du grags pa sogs gsar du nyams gso mdzad pa rnams kyis gtsos rten dang brten par bcas pa'i tshogs rnams dam tshig pa bskyed pa la ye shes kyi 'khor lo bcug ste dbyer med du byin gyis brlabs pa nyid 'khor ba ji srid gnas kyi bar du sems can thams cad kyi mgon dang skyabs su mnga' gsol te byin rlabs kyi gzi 'od 'bar bar bzhugs su gsol zhing / skabs de'i tshe rje 'di nyid kyis phun sum tshogs pa lnga las brtsams pa'i 'bel gtam gyis mkhas pa rnams kyi yid kyi brtan pa cig car du 'phrogs par mdzad do/ /gzhan yang lo 'di dag gi skabs bgrang bya gnyis tsam gyi bar du rdo rje 'chang gi gzims chung lam zab lha khang dang / dbang khang dang / g.yab chen du grags pa rnams na bla ma gong ma'i phyag dpe'i gras pusta kaHnyis stong gi grangs las brgal ba bzhugs pa/ bar skabs shig nas bag med kyi dbang gis do dam byed mkhan ma byung bar yun ring du song ba'i rkyen gyis glegs shing dang glegs thag phal